Paulus ni surat pertama ber soranyar na
Tesalonika
Ngribatin Luryain
Tesalonika ye ibu kota na propinsi Makedonia na Roma. Na kote ne Paulus, Silas ma Timotius rafburat soranyar na iane. Noak a ne sir rmpan a rlole Eropa ma rafwibar Ibar Ngamone na Yesus. Lama rafburat monuk soranyar a ne, tomwat Yahudyar ma ramin kote ne ranriak a ngri ror Paulus a ka. Sir ribut Paulus a ka ma rbie rof kote Tesalonika, nwayat ma Paulus a ka rbie rof iane (Kis. 17:1-9). Noak ma Timotius natungan a nbali nor Paulus a ka na kote Atena, Paulus nsiduk Timotius ma nbali i ma nsalan tomwatar na Tesalonika ne feti sir farpe, ma Paulus e nti kote Korintus. Lama nait kote Korintus, Timotius nonry ibar ber Paulus na tomwatar na Tesalonika (3:1-5). Na kote Korintus ye Paulus narengi ni surat pertama ye ber tomwatar na Tesalonika.
Paulus narengi surat ye fali tomwatar na iane betno ralele Yesus. Na noak a ne nbal Paulus a ka rbie rof kote Tesalonika, mpa to let ber Paulus ma naftutu sir fen ngamone.
Na surat dalam ye, Paulus nafkoran tomwatar ma betno ralele Yesus na Tesalonika nema dedesar ma ralele Yesus ninr Mangnrure boloka tomwatar rsiksa sir ma rose suse sir. I naftutu sir a nbal ma rmorip e rafsenange Ratu dalamy (4:1-12; 5:12-22). I nfalyole nbal na tomwatar ma ralele Yesus ma rmat lo. I nfalyole feti noak ma Yesus nma nbali saryamprene e keta sir farpe.
Surat ye isiny
1:1-10 Paulus ni ngribatin luryain
5:23-28 Penutup.