Paulus ni surat ber soranyar na
Efesus
Ngribatin Luryain
Paulus narengi ni surat ber soranyar na Efesus ma soranyar ma ramin seriny baldu a ne. Kote Efesus ye kotar sa ma namin propinsi Asia ma lere ye rtar feti Turki. Tomwatar yadin ma rof Efesus ne to Yahudi sir. Sir rsatngur ber dewayar, ma dewa batar sa ma nsor a ne ngarany Artemis.
Paulus narengi surat ye ber soranyar a na Efesus nema rtafal ma rkaul ral Ratu Ni dalamy ngamone. Iane nwayat ma sir rtate nir salar ma rmorip ranglerap a na Ratu sounlury. Ma narengi surat ye nbal ber soranyar nema sir bise ma rkaul ral feti Ratu nal kabain ngamonar nof surga la nberkat sir fali dalmir lese ror Yesus ninr Ray Silai (1:3). Paulus nfalyole nbal feti Yesus ninr Ray Silai ye farlan ulun ma tomwatar ma ralele I a ne farlan tenany mpa tomwatar ka rmorip e dalmir lese fali Yesus ninr Ray Silai dalamy lese nor sir lo (1:22-23; 4:4; 4:15-16; 5:23-32). Paulus nfalak a nbal feti tomwatar ma ralele Yesus ne farlan das ma Ratu nafdiri, ma Yesus ye farlan baty fakoran la nafkoran fanderen (2:20-22).
Na kitap ye dalam Paulus nsurat ene sawe, makene batmakene, kangkir ma bos ma kawar (5:22; 6:9). I nsurat sir a nbal ma soranyar ka rpaki safe kabain ma Ratu nal ber sir la rbangal smwangat yatkar nir ulun noak ma nateman sir ma rose sale.
Surat ye isiny
1:1-2 Paulus ni ngribatin luryain
6:21-24 Penutup.