Inyarubha ya kabhiri ya Pawuro
ku‑Bhatesaroonike
Obhutangati
Inyarubha inu, ꞉yaakaamirwe na Pawuro, itumwa ya Yeesu Kirisito. Pawuro ꞉aakaamire inyarubha inu omwanya mufuyi era, amarire okukaama inyarubha ya okwamba ku‑Bhatesaroonike. Pawuro ˆnoongwa emisango ati, abheekirisya bha Tesaroonike, bhatasombookeeywe kisi jimbaara ejindi ja ameeyigisyo gaaye. Abheekirisya abhandi ꞉bheetogeeye ati Yeesu aariga aamarire okusubha rindi. Abheekirisya abhandi bhaariga bhaasigire okukora emirimu jeebhwe joone, kwa okubha bhaariga nibheeyikanya ati, Yeesu akasubhire omwanya gwonegwone. Nyabhuriko, abhandi bhaariga bhatakwenda okukora emirimu inguru ya obhurenga. Kurwa ejo, Pawuro ˆnaabhakaamira inyarubha ya kabhiri, korereki ayindure obhwiganirisya rwa obhwo, bhunu bhwariga bhutari bhwa echimari. Ku‑nyarubha ya kabhiri kaakomeeresya ati, Yeesu aariga achaari okusubha ku‑chaaro na okubhakomeeresya bhagenderere okukora emirimu ku‑managa goone.