Inyarubha ya Pawuro
ku‑Bhafiriipi
Obhutangati
Inyarubha inu, ꞉yaakaamirwe na Pawuro, omukosi wa Nyamuwanga. Pawuro ꞉aakaamiiye abheekirisya bha rikanisa rinu riri mu‑musi gwa Firiipi. Rikanisa eryo ꞉ryambisiibhwe na Pawuro omwanya gunu aariga ˆnaaraasya Emisango ja Ekisi eyo. ꞉Aakaamire inyarubha inu omwanya gunu aariga abhoyerwe mw‑ibhoyero mu‑musi gwa Ruumi (1:13-14). Abheekirisya bha rikanisa rya Firiipi nibho ꞉bheeresiisye eryenda ku‑Pawuro na okumusakira ku‑bhukene bhwaye.
Obhukarariiye bhwa Pawuro okubhakaamira inyarubha inu bhwariga bhuri kusiima Abhafiriipi ku‑bhusakisi bhunu ꞉bhaasoosiisye ku‑mwene okutura ku‑Pafurodiito. Ka wone ꞉aakenere okubheeresya emisango ja okukora na okubhakomeesya korereki bharuubhega echijekekanyo cha Yeesu Kirisito mu‑bhwigumiirisya. Omusango ogundi gunu ꞉aakarariiye okubhabhwira gwariga guri kubhakengya bhasige okwikirisya ameeyigisyo amabhiibhi ga Abhayawudi ganu ꞉gaakorere nibhakayana na abheekirisya mw‑ikanisa ryebhwe.
Inyarubha inu eyimenyekana ati inyarubha eya rikonderwa kwa okubha omusango rikonderwa ogwisubhirira kwiya kaafu. Rikonderwa eryo riri mu‑myoyo ja abheekirisya bha Yeesu Kirisito.