Inyarubha ya kabhiri ya Pawuro
ku‑Bhakoriito
Obhutangati
Inyarubha inu, ꞉yaakaamirwe na Pawuro, itumwa ya Yeesu Kirisito. Inu niyo inyarubha ya kabhiri ku‑bheekirisya bha mw‑ikanisa rinu ryariga riri mu‑musi gwa Koriito. Pawuro oyo, niwe ꞉aambisiisye rikanisa eryo.
Obhukarariiye bhwa Pawuro okukaama inyarubha inu, ni kweresya abheekirisya bha Koriito jinu abheendwa bhakore mu‑riikirisya ryebhwe. Kaabhakengya inguru ya abheeyigisya bha orubheeyi bhanu ꞉bheeyingisiisye mu‑mbisike mw‑ikanisa na okwiyigisya emisango ja orubheeyi. Abheeyigisya abho bhaariga nibhaayika ati, Pawuro atari tumwa ya echimari ya Kirisito. Abheene nibho ꞉bheekorere ati, nibho jitumwa jingʼuru. Inguru ya eryo, Pawuro keebhagira ati, omwene ni tumwa ya echimari, ka wone, ari na obhuturo bhunu obhusooka ku‑Kirisito. Kaakora kutyo ku‑njira ya okubhwira Abhakoriito ati, mu‑bhujorobhoke nimwo amanaga ga Nyamuwanga agabhuurisibhwa. Ka wone keeresya Abhakoriito inguru ya okusakira abheekirisya bha Yerusareemu.