Emisango ja Ekisi ja Yeesu Kirisito
rwa kutyo jikaamirwe na
Maariko
Obhutangati
Echitabho chinu ꞉chaakaamirwe na Maariko. Maariko unu, omwanya ogundi aatogwaga Yowana amwi ati Yowana Maariko, aariga ari umwi wa abheekirisya bha okwamba (Ebhikorwa bhya Jitumwa 12:12). Aariga ˆnaaruubhana na abharaasya rwa Pawuro, Bharinaabha, na Peetero.
Mu‑chitabho chinu, Maariko aariga ˆnaakaamira abheekirisya bha omusi gwa Ruumi. Omwanya ogwo omukama Neero niwe aariga ˆnaatunga, na bhyariga bhiri‑wo ebhinyaasyo ku‑bheekirisya. Maariko eendaga okusimbiisya abheekirisya mu‑riikirisya kwa okubhabhwira ati abheendwa okunyaasibhwa rwa kutyo Kirisito ꞉aanyaakire na okufwa.
Maariko keeresya obhwiganirisya bhwaye bhwa okukaama echitabho chinu mu‑rukangara rwa okwamba, “Emisango ja Ekisi ja Yeesu Kirisito, Omwana wa Nyamuwanga.” Keenda abhasomi bhaaye bhamenye ati, Yeesu niwe Kirisito, unu Nyamuwanga ꞉aatumire rwa kutyo ꞉aaragire.