ꉼꑭꀊꄯꒉ 3

ꉼꑭꀊꋍꑮꃀꋌꋊꌌꇁ

1 ꑳꀊꊆꉠꏯ：“ꑱꌝꆀꊿꀉꁁꌦꌋꑠꊂꈹꁧ，ꌌꌦꌋꆦꑝꌠꑌꃀꌧꊈꋙꃚꉌꃹꁧꑴꇬ，ꑳꀊꊆꄡꇗꋀꉂ；ꐯꌟꃅ，ꌋꅪꋋꂷꎼꃅꃏꑽ，ꉂꊿꀉꁁꐥꑴꇬ，ꆎꑌꉈꑴꅽꑮꃀꋋꂷꉁꌦ”ꄷ。

2 ꄚꄉ，ꉢꐍꈘꌺꊯꉬꂷꌋꆀꌿꂷꌕꉐꏡꌊꌋꅪꋋꂷꉢꋊꌌꇁ， 3 ꉢꇬꏭ：“ꆏꀊꉗꏢꃅꉢꈽꄉꐥ，ꎼꃅꃏꑽꀋꉆ，ꌞꁦꋠꍯꀋꉆ，ꉡꑌꋋꊭꇬꆏꈽꀋꀀ”ꄷ。 4 ꑞꃅꆏ，ꑱꌝꆀꊿꆹꀋꎪꃅꀊꉗꏢꃰꃅꂷꀋꐥ，ꏃꌋꂠꌋꀋꐥ，ꀋꆦꀋꑝ，ꌦꌋꌷꁧꀋꋉ，ꆦꑝꃢꈜꑱꃛꄓꀋꐥ，ꑱꈐꌦꁱꌊꁱꑠꀋꄉꃅꐥꌠꉬ。 5 ꊁꆏ，ꑱꌝꆀꊿꆹꀋꎪꃅꀱꉈꑴꇁꇈ，ꑳꀊꊆ-ꋀꏃꃅꌋꌋꆀꋀꃰꃅꄊꃥꎹꈹꇁ。ꊁꌐꂫꄮꇬꆏ，ꋀꊇꀋꎪꃅꑳꀊꊆꁌꒉꏦꃪꄉꐥ，ꑳꀊꊆꄷꄉꑆꊋꋀꊪꊊꌠꉬ。