Rómà ŋa 10

Ìnàbí-mi ŋa, ǹ wà wo iŋɛ́-kã̀, tsí ó kpã́ mi nódzú si tó bɛ́ɛ̀, tsí ǹ wà wúùre, tsí wà tsìkálɛ̀ fú Ɔ̀ɖáyé. Iŋɛ́#ɛ́ ní wà dzɛ́ ní fee, Ɔ̀ɖáyé kó gba ɔma-Ìsàràyɛ́lì† ŋa là náa. 2 Màa nyáa nya àyídzá-ŋa ní ara-ŋa náa gboná si nɔ́Ɔ̀ɖáyé sísɛ̃̀ tó bɛ́ɛ̀. Ó ɖi, kíbí à nákó tse fáà, tsí màá#á, à kò wà tseé bɛ́ɛ̀. 3 Ɔma-Ìsàràyɛ́lì ŋa fee, à kò gbɔ́ òkpì-kíbí Ɔ̀ɖáyé náa gbanɛ nɔ́ɔ̀nyà-atsòtítɔ́ nódzú-ara‐ɛ̀ gbà#á. À wò ní àŋa kó mú àmí-ara-ŋa tseé, tsí Ɔ̀ɖáyé kó gba àŋa bɛ́ɛ̀. Ńbɛ̀ɛ́, à kɔ ɔ̀nà ti Ɔ̀ɖáyé, ɔ̀nà nyɛ̀ŋɛ̀ ní à má fà tã́ná Ɔ̀ɖáyé kó gbà ŋá nɔ́ɔ̀nyà-atsòtítɔ́ nódzú-ara‐ɛ̀#ɛ́. 4 Ǹ wà fɔ̀ bɛ́ɛ̀, iŋɛ́ yèé tse#ɛ́, Kírísítò wá, tsí ńbí ɛkpa-Mɔ̀ɔ́sè† kò nyáa tsitsɛ́ tó#ɛ́, òŋu tseé káà tó bɛ̀. Ó tse bɛ́ɛ̀, àtsùgbée ɔ̀nyà ɔ̀kã̀lɔ́ɔ̀kã̀ kpó yèé nákó nɛ́ àkaralé si ńǹtá‐ɛ̀#ɛ́, Ɔ̀ɖáyé kó gba ɛnɛ nyɛ̀ŋɛ̀ nɔ́ɔ̀nyà-atsòtítɔ́ nódzú-ara‐ɛ̀.

5 Mɔ̀ɔ́sè kɔ afɔ̀-kã̀ si ti nára-kíbí Ɔ̀ɖáyé náa gbà ńǹtá-ɛkpa‐ɛ̀, tsí gbanɛ nɔ́ɔ̀nyà-atsòtítɔ́ nódzú-ara‐ɛ̀#ɛ́. Ó ní: “Bí ɔ̀nyà-kã̀ wà tse si ńǹtá-iŋɛ́ kpó yèé à kɔ si nɛ́kpa-Ɔ̀ɖáyé#ɛ́, ɛkpa#á nákó fú ɛnɛ nyɛ̀ŋɛ̀ náàyɛ̀.”^* 6 Ó ɖi, ti nára-ká gba Ɔ̀ɖáyé gbɔ́, tsí kó gbanɛ nɔ́ɔ̀nyà-atsòtítɔ́ nódzú-ara‐ɛ̀ òŋu#ɛ́, à fɔ̀ ní: “Máa wà fɔ̀ ńnɔ́-ara-ɛ̀ɛ ní nɛ̀ɛ́ gìɖì tútú nákó nyáa lɔ títí nɔ́ɔ̀rɔ̃,” tsí kó káà ti Kírísítò, ɛnɛ yèé Ɔ̀ɖáyé tsã̀#á wá ńlɛ̀ ná? 7 Nàmí o wà fɔ̀ ní: “Nɛ̀ɛ́ gìɖì tútú nákó nyáa tì dzì lɔ títí ńlé-ikú”, tsí kó lɔ káà fa Kírísítò, ɛnɛ yèé Ɔ̀ɖáyé tsã̀#á ti náàŋírĩ-òkú ŋa fùɖá ti bɛ̀ wá náyé#ɛ́ ná? 8 Kà kàa bɛ́ɛ̀, à fɔ̀ ní: “Afɔ̀ yèé ò wà wò#ɛ́, ó wà sɔ́má-ɛ̀ɛ si. Ó wà nárũ-ìwɔ ká-ɛ̀ɛ si, tsí wà ńnɔ́-ɛ̀ɛ gbo si.”^* Afɔ̀#ɛ́ ní dzɛ́ afɔ̀-ká nɛ́ àkaralé si ńǹtá-Kírísítò#ɛ́. Ikɔ̀‐ɛ̀ ní àa wà dzɛ́ fúnɛ#ɛ́. 9 Ó ɖi, bí ò tsí arũ, tsí fɔ̀ ní Yèésù dzɛ́ Ɔlá-òŋu, tsí ò gbàá gbɔ́ ńnɔ́-ɛ̀ɛ ní Ɔ̀ɖáyé dzíi ti náàŋírĩ-òkú ŋa wá náyé#ɛ́, Ɔ̀ɖáyé nákó gbàɛ́ là. 10 Ǹ fɔ̀ bɛ́ɛ̀, iŋɛ́ yèé tse#ɛ́, ńnɔ́-ara-nɛ ní à náa gbàá gbɔ́, tsí Ɔ̀ɖáyé náa gbanɛ nɔ́ɔ̀nyà-atsòtítɔ́ nódzú-ara‐ɛ̀#ɛ́. À náa tsí arũ gbo, tsí fɔ̀ɔ́, tsí Ɔ̀ɖáyé náa gbanɛ là ni. 11 À ti kɔɔ́ si ńǸwé-Ɔ̀ɖáyé† si ní: “Ɔ̀nyà ɔ̀kã̀lɔ́ɔ̀kã̀ kpó yèé nákó mú àkaralé‐ɛ̀ si ńǹtá‐ɛ̀#ɛ́, kàkó ɖánɔ́ mú ɛnɛ nyɛ̀ŋɛ̀ láyé.”^* 12 Ó ɖi, ti nára-ká gba Ɔ̀ɖáyé gbɔ́#ɛ́, ìyàtɔ̀-kã̀ kpókpó kò wà ńnɛ̀ fú ɔma-Ìyúɖà† òŋu ɛnɛ yèé kò dzɛ́ ɔma-Ìyúɖà#á nódzú-Ɔ̀ɖáyé. Ɔma-Ìyúɖà ŋa#á gbo, ɛnɛ yèé kò dzɛ́ ɔma-Ìyúɖà ŋa#á gbo, àŋa kpó, Ɔlá ɔ̀kã̀ntso ní à wà kpè#ɛ́. Òŋu#ɛ́ ké ní náa tse ore fú ɔ̀nyà ɔ̀kã̀lɔ́ɔ̀kã̀ kpó yèé náa kpèé ní kó wáa mɔ́wɔ́ gbè fú òŋu#ɛ́. 13 À ti kɔɔ́ si ńǸwé-Ɔ̀ɖáyé si ní: “Ɔ̀nyà kpó, bí ó kpe Ɔlɔ́dzɔ́ ní kó wáa gba òŋu là, nákó gbàá là.”^*

14 Báàyí fe, bí ɔ̀nyà ŋa nákó nyáa kpe Ɔlá-wa ní kó wáa gba àŋa là gbà fáà, kíbí à kò nɛ́ àkaralé si ńǹtá‐ɛ̀#ɛ́? Tsí bí à nákó nyáa nɛ́ àkaralé gbo si ńǹtá‐ɛ̀ gbà fáà, kíbí à kò gbɔ́ ikɔ̀-kã̀ ti nára‐ɛ̀ wòrí#ɛ́? Bí à nákó sì nyáa gbɔ́ ikɔ̀-kã̀ gbo ti nára‐ɛ̀ gbà fáà, bí ɔ̀nyà ŋa kò lɔ káà dzíkɔ̀#ɛ́ fú ŋa? 15 Tsí bí ɔ̀nyà ŋa gbo nákó nyáa lɔ káà dzíkɔ̀#ɛ́ gbà fáà, bí Ɔ̀ɖáyé kò bɛ̀ ŋá ńtsɛ́ ní ká lɔ? À ti kɔɔ́ si ńǸwé-Ɔ̀ɖáyé si ní: “È rí kíbí adzíkɔ̀ ɖíɖɔ̃̀ ŋa bàa gé! Ó ɖìirí héŋú.”^* 16 Ó ɖi, kò tsi ɔ̀nyà kpó yèé gbɔ́ ikɔ̀ ɖíɖɔ̃̀#ɛ́ ní gbàá gbɔ́#ɛ́. Yèsáyà† agbáfɔ̀-Ɔ̀ɖáyé fɔ̀† gbo ti wíìnyɛ̀-kã̀ si bɛ́ɛ̀ ní: “Ɔlɔ́dzɔ́, àa dzíkɔ̀-ɛ̀ɛ fú ŋa, tsí à kò gbàá gbɔ́.” ^* 17 Ńbɛ̀ɛ́, ikɔ̀#ɛ́ ní à náa wà rɛ̃tígbè, tsí gbɔ́ɔ, tsí à náa gbàá gbɔ́#ɛ́. Tsí ikɔ̀ yèé à náa gbɔ́#ɛ́, ikɔ̀ ti nára-Kírísítò ni.

18 Ǹ bere afɔ̀-kã̀ fòò. Ɔma-Ìsàràyɛ́lì ŋa#á fee, à kò rɛ̃tígbè-ikɔ̀#ɛ́, tsí gbɔ́ɔɔ̀? À gbɔ́ɔ nɔ̀. Iŋɛ́ yèé tse#ɛ́, à kɔ si ńǸwé-Ɔ̀ɖáyé si ní:

“Ɔ̀nyà ŋa ǹɖe, tsí lɔ káà dzíkɔ̀ ɖíɖɔ̃̀ fúnɛ wérí

náyé gbaŋgba#á kpó.

Tsí ikɔ̀ yèé à wà dzɛ́ fúnɛ#ɛ́ tó ńǹɖì ɔ̀kã̀lɔ́ɔ̀kã̀ náyé#ɛ́ kpó.”^*

19 Ó sã̀. Ǹ bere afɔ̀-kã̀ ró fòò. Ɔma-Ìsàràyɛ́lì ŋa kò gbɔ́ òkpì-ikɔ̀ yèé à dzɛ́ fú ŋa#á niì? À gbɔ́ òkpì‐ɛ̀ nɔ̀. Ɔ̀ɖáyé gbà ńǹtá-Mɔ̀ɔ́sè, tsí ti wíìnyɛ̀-kã̀ si náàtsɛ̃̀tsɛ̃̀ ní:

“Màa tse tsí ɛ̀ŋɛ yèé dzɛ́ tèmi ŋa#á,

è nákó dzowú-ɔ̀nyà yèé ŋa kò dzɛ́ ìlú ɔ̀kã̀ntso gìɖì#ɛ́.

Àŋa yèé kò nɛ́ ifɛ̀ɛ́nɔ́-kã̀ kpókpó#ɛ́,

màa tse tsí è nákó bínɔ́ si fú ŋa.”^*

20 Yèsáyà agbáfɔ̀-Ɔ̀ɖáyé fɔ̀ gbo gbódzú, tsí wíìnyɛ̀-kã̀ si ní Ɔ̀ɖáyé fɔ̀ ní:

“Ɛnɛ yèé ŋa kò wà wò mí gìɖì#ɛ́, àŋa ní rí mi#ɛ́.

Tsí ǹ mú ara-mi ɖíre fú ɛnɛ yèé ŋa kò tì wúùre fú mi,

tsí bèrè mí iŋɛ́-kã̀#á.”^*

21 Ó ɖi, ti nára-ɔma-Ìsàràyɛ́lì ŋa òŋu#ɛ́, Yèsáyà tɔ́ fɔ̀ si ró ní Ɔ̀ɖáyé ní:

“Bí ilɛ̀ má gé ná, mà tɔ́wɔ́ si fú ɔma-Ìsàràyɛ́lì ŋa ní

ká sɛ̃̀ wá ńɖɔ̀-mi.

Ó ɖi, à kɔ̀ si, tsí ɖi ɔma kò gbɔ̃́ɔ̃̀rã̀ ŋa,

tsí ɛ̀ɖɔ̃̀ náa kã̀ ŋá si gé ni.”^*