Rómà ŋa 9

Ɔma-Ìyúɖà ŋa#á, Ɔ̀ɖáyé ní tsã̀ ŋá#á

Afɔ̀ yèé ŋa ǹ wà fɔ̀#ɛ́, òtítɔ́ ni, iŋɛ́ yèé tse#ɛ́, Yèésù Kírísítò tse ɔ̀kã̀ntso bá mi si. Ǹ kò wà tsòɖòbò. Inɔ́-mi mà si ní afɔ̀-òtítɔ́ ní ǹ wà fɔ̀#ɛ́, iŋɛ́ yèé tse#ɛ́, Mímí-Ɔ̀ɖáyé† gbo wà fɔ̀ɔ́ fú mi. 2 Ti nára-kíbí ɔ̀nyà-ìlú-mi ŋa wà si gbà#á fee, ǹ kí kpòlóó si, tsí ó wà ɖɔ̃̀ mí fú ŋa tó bɛ́ɛ̀. 3 Bí ó dzɛ́ gìɖì ní Ɔ̀ɖáyé kó ré fú èmi ká-mi, tsí àŋírĩ-èmi-Yèésù Kírísítò méèdzì kó bàdzɛ́, àtsùgbée kó gba ìnàbí-mi yèé ŋa àa dzɔ́ ti náàmbara ɔ̀kã̀ntso#ɛ́ là, ǹ dzɛ́. 4 Àŋa ní dzɛ́ ɔma-Ìsàràyɛ́lì† ŋa#á. Ɔ̀ɖáyé tsã̀ ŋá ní ká dzɛ́ ɔma-òŋu ŋa, tsí ó nya iyì‐ɛ̀ ɖíre fú ŋa. Ó tse ìmɔ̀lɛ̀ ŋa gbo bá ŋa, tsí ɖá ɛkpa-Mɔ̀ɔ́sè† gbo bɔwɔ́-ŋa. Kíbí à nákó sɛ̃̀ɛ̃́ gbà#á, ó ɖíreé fú ŋa, tsí tàlé ŋa gbo fú ŋa. 5 Ó tsã gbágbóǹgbàgbò-ŋà ŋa gbo, tsí náàmbara-gbágbóǹgbàgbò nyɛ̀ŋɛ̀ ŋa#á ní à ti#ɛ́. Náàmbara-gbágbóǹgbàgbò ŋa#á ké ní Kírísítò Agbanɛlà yèé Ɔ̀ɖáyé tsã̀, tsí bɛ̀ wá#á gbo ti#ɛ́. Ɔ̀ɖáyé ní ó dzɛ́#ɛ́, tsí ó kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Ká wà nyɛ̀ɛ́ títí lɔ náàrìtã́. Ɛ̀tsɛ!^*

6 Kíbí ó wà bɛ́ɛ̀#ɛ́ fee, àlé yèé Ɔ̀ɖáyé ta si#ɛ́ kò wà ńǹɖì‐ɛ̀ róò? Òò, ó wà ńǹɖì‐ɛ̀, iŋɛ́ yèé tse#ɛ́, kò tsi ɔ̀nyà kpó yèé ti náàmbara-Ìsàràyɛ́lì^* gé#ɛ́ ní dzɛ́ ɔma-ìlú-Ìsàràyɛ́lì ti Ɔ̀ɖáyé gìɖì gìɖì#ɛ́. 7 Àbàràhámì† gba ɔmalɔ́ma kpíkpɔ̀. Ó ɖi, kò tsi àŋa kpó ní dzɛ́ ɔmalɔ́ma‐ɛ̀ ŋa gìɖì gìɖì#ɛ́. À kɔ si ńǸwé-Ɔ̀ɖáyé† si ní Ɔ̀ɖáyé fɔ̀ fú Àbàràhámì ní: “Ɛnɛ yèé nákó dzɛ́ ɔmalɔ́ma-ɛ̀ɛ ŋa gìɖì gìɖì#ɛ́, náàmbara-Ìsákà ní à nákó ti#ɛ́.”^* 8 Òkpì-afɔ̀ yèé ǹ wà fɔ̀#ɛ́ ní wà dzɛ́ ní ɔmalɔ́ma yèé ŋa Àbàràhámì gbà bɛ́ gé#ɛ́, kò tsi àŋa ní dzɛ́ ɔma-Ɔ̀ɖáyé#ɛ́. Ó ɖi, ɛnɛ yèé ŋa à bí si nɛ́kpa-àlé yèé Ɔ̀ɖáyé ta si#ɛ́, àŋa ní à wà kpè ní ɔmalɔ́ma gìɖì gìɖì ŋa#á. 9 Oŋù-afɔ̀-kã̀ ní Ɔ̀ɖáyé ń tàlé#ɛ́. Ó ní: “Nɔ́ɖɔ̃́ yèé bàa#á, náàsòkò yèé bɛ́ tútútú#ɛ́, màa sɛ̃̀ wá ńɖɔ̀-ɛ̀ɛ, tsí Sàrá† nákó bíma ɔnɔkɛ̃̀ɛ̃-kã̀ banɛ́ si.”^*

10 Bɛ́ɛ̀ ké ní afɔ̀ ti Rèbékà gbo lɔ#ɛ́. Ó bí èdzìrɛ́ ɔnɔkɛ̃̀ɛ̃ ŋa kpó fú gbágbóǹgbàgbò-wa Ìsákà. 11-13 Kò tì bí ɔma ŋa#á wòná títí ká ma ire tsítse nàmí íbàɖí tsítse tã́ná Ɔ̀ɖáyé ti fɔ̀ fúu ní: “Èdzìrɛ́ yèé ò bòkó bí#ɛ́, ɔmànàá nákó gbonùgbó nɔ́wɔ́-ìfó.” À kɔɔ́ si ńǸwé-Ɔ̀ɖáyé ní: “Ǹ tsã Yàkúbù. Ó ɖi, Èsàwú† òŋu, ǹ kɔ̀ɔ́.”^* Iŋɛ́ ŋa#á lɔ bɛ́ɛ̀, àtsùgbée ètò-Ɔ̀ɖáyé kó tsɛ ni. Ɔ̀ɖáyé òŋu ká‐ɛ̀ ní náa tse ètò tã́ná kó tsãnɛ#ɛ́. Kà ti ńɖi-iŋɛ́ yèé ɛnɛ nyɛ̀ŋɛ̀ tse#ɛ́. Kíbí náa ɖé fú Ɔ̀ɖáyé gbà#á ní náa tsãnɛ#ɛ́.

14 Báàyí fe, bí àa kó fɔ̀ fáà ńǹkɛ̀ɛ́? Ɔ̀ɖáyé wà tse òkṹnùù? Láyé! Kò tsi bɛ́ɛ̀ ni. 15 Ɔ̀ɖáyé fɔ̀ fú Mɔ̀ɔ́sè gbo ní:

“Màa rí ànyínɔ́ fú ɛnɛ yèé ó wù mí ní n rí ànyínɔ́ fú#ɛ́,

tsí ɛnɛ yèé ó wù mí gbo#ɛ́ ní inɔ́‐ɛ̀ nákó nyɔ́ mi#ɛ́.”^*

16 Ńbɛ̀ɛ́, Ɔ̀ɖáyé kó rí ànyínɔ́ fúnɛ#ɛ́, kà ti náwù-ɔ̀nyà-kã̀ kpókpó nàmí kó ti ńɖi-kíbí ɔ̀nyà náa múgírí tó gbà#á. Ńɖi-Ɔ̀ɖáyé, ɛnɛ yèé náa rí ànyínɔ́ fúnɛ#ɛ́ gé ní náa ti#ɛ́. 17 À kɔ si ńǸwé-Ɔ̀ɖáyé ní Ɔ̀ɖáyé fɔ̀ fú ólú Fárɔ̃̀† ní: “Ǹ múɛ dzɛ ólú ńǹlú-Èdzíkpítì†, àtsùgbée n gbà ńǹtá-ɛ̀ɛ, tsí ń nya ikpá-mi ɖíre, tsí ɛ́kɔ-mi kó wà fì wérí ayé gbaŋgba#á kpó gé ni.”^* 18 Ńbɛ̀ɛ́, ó má fúnɛ rere ní Ɔ̀ɖáyé náa rí ànyínɔ́ fú ɛnɛ yèé náa wùú ní kó rí ànyínɔ́ fú#ɛ́, tsí ɛnɛ yèé gbo náa wùú ní kó mú ɛ̀ɖɔ̃̀ kã̀#á, náa mú ɛ̀ɖɔ̃̀ kã̀ã́.

Ɔ̀ɖáyé náa bínɔ́ fúnɛ, tsí náa rí ànyínɔ́ gbo fúnɛ

19 Bóyá ìwɔ-kã̀ nàa wà fɔ̀ ní: Bí iŋɛ́ ŋa#á wà bɛ́ɛ̀ fe, kí tse tsí bí ɔ̀nyà tse íbàɖí, ni Ɔ̀ɖáyé náa tɔ́ wà báa fɔ̀ ró ná? Nɛ̀ɛ́ tútú wà, tsí kó nyáa kɔ iŋɛ́ yèé Ɔ̀ɖáyé náa wò ní òŋu kó tse#ɛ́?

20 Ìwɔ ɔ̀nyà, kí ò dzɛ́ títí o wà bá Ɔ̀ɖáyé fɔ̀ ná? Iŋɛ́ yèé ɔ̀nyà-kã̀ kɛ́ amà, tsí ń ma#á nákó nyáa bá ɛnɛ yèé maá#á fɔ̀ ní: Kí tse tsí ó ma òŋu, tsí òŋu wà bɛ́ɛ̀ɛ̀? Láyé! 21 Amàkòkò fee, ɔ̀nà wà fúu, tsí kó kɛ́ amà yèé ó gú si#ɛ́, tsí ń ma iŋɛ́ yèé ɖé fúu#ɛ́. Nákó nyáa kɛ́ amà#á, tsí ń ma ìkòkò-àfɛ́ŋú-kã̀, tsí ń si níìkã̀ si, tsí wà nyàá lò. Tsí nákó nyáa kɛ́ amà ɔ̀kã̀ntso#ɛ́ ké, tsí ń ma ìkòkò-òmírɛ̃̀ yèé nákó ń si ńlɛ̀, tsí wà lò#ɛ́.

22 Ɔ̀ɖáyé wò ní òŋu kó nya inɔ́ bíbí-òŋu òŋu ikpá-òŋu ɖíre fúnɛ. Ó ɖi, ɛnɛ yèé ŋa inɔ́ bíbí‐ɛ̀ má tì wá ńǹtá-ŋa, tsí à má tsɛ̀rá#á, ó gbódzú si, tsí fɛ̀ɖɔ̃̀ tù si gbo tó bɛ́ɛ̀. 23 Ɔ̀ɖáyé wò gbo ní òŋu kó nya kíbí iyì-òŋu lákṹ tó gbà#á ɖíre fú ɛnɛ yèé ŋa òŋu náa rí ànyínɔ́ fú#ɛ́. Ɛnɛ nyɛ̀ŋɛ̀ ŋa#á, ó ti tse ètò si fú ŋa si ní òŋu nákó mú iyì-òŋu#ɛ́ bɔwɔ́-ŋa. 24 Tsí ɛnɛ yèé ŋa ó wà báfɔ̀#ɛ́, àwa ni. Ó kpe àwa gbo ní ká dzɛ́ tòŋu. Kò tsi náàŋírĩ-ɔma-Ìyúɖà† ŋa sɔ̃́ŋú gé ní ó kpenɛ ní ká dzɛ́ tòŋu#ɛ́. Ó kpenɛ náàŋírĩ-ɛnɛ yèé kò dzɛ́ ɔma-Ìyúɖà ŋa#á gbo ní ká dzɛ́ tòŋu. 25 Ó ti fɔ̀ɔ́ si bɛ́ɛ̀ ńǸwé-Hòséyà ní:

“Ɔ̀nyà-ìlú yèé ŋa kò dzɛ́ tèmi dzɔ̀ɔ́ dzɔ̀ɔ́#ɛ́,

báàyí#ɛ́, màa kpè ŋá ní ɔ̀nyà-ìlú-mi ŋa.

Tsí ɛnɛ yèé ŋa ǹ kò nɛ́ àmúɖɔ̃̀ fú dzɔ̀ɔ́ dzɔ̀ɔ́#ɛ́,

báàyí#ɛ́, màa kpè ŋá ní ìlú-àrínódzú-mi.”

26 Tsí ó fɔ̀ gbo ní:

“Ńbí ǹ fɔ̀ fú ŋa dzɔ̀ɔ́ dzɔ̀ɔ́ gìɖì ní

è kè dzɛ́ ɔ̀nyà-ìlú-mi ŋa#á,

ńbɛ̀ tútútú ní à nákó kpè ŋá ní Ɔma-Ɔ̀ɖáyé Oláàyɛ̀ ŋa#á.”^*

27 Yèsáyà† agbáfɔ̀-Ɔ̀ɖáyé fɔ̀† gbo bu igbe ta ti nára-ɔma-Ìsàràyɛ́lì† ŋa ní:

“Bí ó dzɛ́ ní ɔma-Ìsàràyɛ́lì ŋa kpɔ̀ títítí

kíbí ìnyarĩ̀ nétí-àhũ gìɖì bɛ́#ɛ́,

ɔ̀nyà-ìmarũ oɖé-kã̀ gé ní Ɔ̀ɖáyé nákó gbà là náàŋírĩ-ŋa#á.

28 Ó ɖi fee, Ɔlɔ́dzɔ́ nákó yáa tse tsí afɔ̀‐ɛ̀

nákó tsɛ dzálɛ̀ kpó si ńǹtalɛ̀ bí.”^*

29 Yèsáyà#á ké ti fɔ̀ si wáa lɔ ní:

“Kàá tsi Ɔlɔ́dzɔ́ Olí-ayé gbaŋgba#á

ɖá ɔ̀nyà kã̀ŋa dzɔ̀ɔ́ náàŋírĩ-ɔmalɔ́ma-Ìsàràyɛ́lì ŋa,

àa má tsɛ̀rá kpó kíbí ɛnɛ-ìlú-Sòɖómì ŋa bɛ́ ni.

Àa má ra kpó butúbutú kíbí ɛnɛ-ìlú-Gòmɔ́rà ŋa.”^*

Ikɔ̀ ɖíɖɔ̃̀ ti nára-Yèésù Kírísítò#ɛ́, ó tsɛdzɔ́-ɔma-Ìsàràyɛ́lì ŋa gbo

30 Bí ó dzɛ́ bɛ́ɛ̀ fe, bí àa kó fɔ̀ fáà ńǹkɛ̀ɛ́? Òŋu ní wà dzɛ́ ní ɛnɛ yèé kò dzɛ́ ɔma-Ìyúɖà ŋa#á, àŋa òŋu, à kò wo ɔ̀nà yèé ká fà, tsí Ɔ̀ɖáyé kó gbà ŋá nɔ́ɔ̀nyà-atsòtítɔ́ nódzú-ara‐ɛ̀#ɛ́. Tsí Ɔ̀ɖáyé sì gbà ŋá nɔ́ɔ̀nyà-atsòtítɔ́ nódzú-ara‐ɛ̀, iŋɛ́ yèé tse#ɛ́, à gbàá gbɔ́. 31 Ó ɖi, ɔma-ìlú-Ìsàràyɛ́lì† ŋa òŋu#ɛ́, à wò ní àŋa kó múgírí, tsí wà rɛ̃̀ si nɛ́kpa-Mɔ̀ɔ́sè†, tsí Ɔ̀ɖáyé kó gba àŋa nɔ́ɔ̀nyà-atsòtítɔ́ nódzú-ara‐ɛ̀. Ó ɖi, à kũ̀ṹ, à kò nyáa tseé dzálɛ̀. 32 Kí tse tsí à kũ̀ṹ ná? À kò mú afɔ̀-ká gba Ɔ̀ɖáyé gbɔ́ kpe iŋɛ́-kã̀, tsí à ɖédzú itsɛ́ yèé ŋa àŋa wà tse#ɛ́ ní nákó tse tsí Ɔ̀ɖáyé nákó gba àŋa nɔ́ɔ̀nyà-atsòtítɔ́ nódzú-ara‐ɛ̀#ɛ́ ni. Ńbɛ̀ɛ́, à kó nóòkúta-àkɔ̀sɛ̀. 33 À ti kɔɔ́ si ńǸwé-Ɔ̀ɖáyé si ní:

“Rí gé! Ǹ mú òkúta-àkɔ̀sɛ̀-kã̀ si nóòkè-Sìyɔ́nì†.

Òkúta#á nákó mú ɔ̀nyà ŋa tsubú.

Ó ɖi, bí ɔ̀nyà-kã̀ mú àkaralé‐ɛ̀ si ńǹtá‐ɛ̀,

kàkó ɖánɔ́ mú ɛnɛ nyɛ̀ŋɛ̀ láyé.”^*