Itsɛ́ i

Ìwé-Itsɛ́-adzítsɛ́-Yèésù ŋa

Ìwé-Itsɛ́-adzítsɛ́-Yèésù ŋa nyínyà ɖíre

Lúkà kɔ ìwé méèdzì ńnɔ́-Ìwé-Ìmɔ̀lɛ̀-Ìkã́ã̀nyì#ɛ́. Náàtsɛ̃̀tsɛ̃̀#ɛ́, ó kɔ ìwé-ikɔ̀ ɖíɖɔ̃̀. Èkéèdzì‐ɛ̀#ɛ́, ó kɔ ìwé yèé bɛ́ gbo. Ńnɔ́-ìwé#ɛ́, ó tsɛ̃̀tsɛ̃̀ kɔ kíbí Yèésù ǹɖe ńǹtalɛ̀ bí, tsí lɔ nɔ́ɔ̀rɔ̃ gbà#á. Tsí ó kɔ kíbí Yèésù bɛ Mímí-Ɔ̀ɖáyé wá, tsí ó tì wɔ̀ ńǹtá-atɛ̀náànyì-Yèésù ŋa#á. Báàyí#ɛ́, Mímí-Ɔ̀ɖáyé#ɛ́ ní ó wà ń gbɛ̃́ ŋa, tsí wà fú ŋa ńkpá ní ká wà dzíkɔ̀ ɖíɖɔ̃̀ náàrì tsodzo#ɛ́. Ìwé yèé bɛ́ wà nya òkpì-kíbí ikɔ̀ ɖíɖɔ̃̀ wà tó ńǹɖì ńǹɖì ŋa wérí náàŋírĩ-ɔma-Ìyúɖà ŋa òŋu náàŋírĩ-ɔma-ìlú-àtíbɔ̀ ŋa#á. Tsí ó fɔ kíbí ɛgbɛ́-Kírísítò àtsɛ̃̀tsɛ̃̀ ŋa kpilɛ̀ gbà#á. Ìwé#ɛ́ wà wíìnyɛ̀-itsɛ́ yèé Òkúta òŋu Kpɔ́lù tse#ɛ́ lárè. Òkúta ní lɔ káà dzíkɔ̀ ɖíɖɔ̃̀#ɛ́ ti nára-Yèésù ńɖi-ɔma-Ìyúɖà ŋa#á, tsí Kpɔ́lù òŋu lɔ káà dzíkɔ̀#ɛ́ ńɖi-ɛnɛ yèé kò dzɛ́ ɔma-Ìyúɖà ŋa#á.