Yòhánà i

Ìwé-Ikɔ̀ ɖíɖɔ̃̀ ti Yòhánà

Ìwé-ikɔ̀ ɖíɖɔ̃̀ ti Yòhánà nyínyà ɖíre

Yòhánà, ɛnɛ yèé kɔ ìwé yèé#ɛ́, ó wà náàŋírĩ-ɔmatsɛ́-Yèésù máàméèdzì ŋa#á. Kò kɔ ɛ́kɔ‐ɛ̀ si ńǹwé#ɛ́. Ó ɖi, ńǹtã̀ntã́-ìwé‐ɛ̀#ɛ́, ó nya ara‐ɛ̀ ɖíre ní: “Ɔmatsɛ́-Yèésù, àrínódzú‐ɛ̀ ní wà kɔ ìwé#ɛ́”.

Ìwé-Ikɔ̀ ɖíɖɔ̃̀ ti Yòhánà yèé bɛ́#ɛ́, ó gbà níìkã̀ oɖé fú ìwé-Ikɔ̀ ɖíɖɔ̃̀ ti ɛnɛ-àtíbɔ̀ ŋa. Ńǹkpìnkpìlɛ̀-ìwé‐ɛ̀#ɛ́, ó wà fɔ̀ ní Yèésù dzɛ́ oŋù yèé wà bɔ́ fùɖá nárũ-Ɔ̀ɖáyé#ɛ́, tsí ó dzɛ́ mímá yèé wà má ńɖi-òkùkù#ɛ́ gbo. Tsí ó kpɛ̀rɔ́-iŋɛ́-àwùsì yèé Yèésù tse ŋa#á òŋu ɛ̀kɔ́ yèé ó tse ŋa#á gbo. Ó fɔ kíbí Yèésù kú si ńǹtá-egi-ìɖáàgàlàdzà gbà òŋu kíbí ó sɛ̃̀ dzí ti náàŋírĩ-òkú ŋa wá náyé gbà#á. Ó ɖi, iŋɛ́ yèé kpã́dzú fúu#ɛ́ ní dzɛ́ ní ɔ̀nyà kpó kó mà ní Yèésù ni Ɔma bíbí-Ɔ̀ɖáyé ni. Tsí bí ɔ̀nyà-kã̀ nɛ́ àkaralé si ńǹtá‐ɛ̀, ni nákó rí àyɛ̀ gbà ńǹtá‐ɛ̀.