Lúkà i

Ìwé-Ikɔ̀ ɖíɖɔ̃̀ ti Lúkà

Ìwé-Ikɔ̀ ɖíɖɔ̃̀ ti Lúkà nyínyà ɖíre

Lúkà kò wà náàŋírĩ-ɛnɛ yèé ŋa dzɛ́ ɔmatsɛ́-Yèésù ŋa náàtsɛ̃̀tsɛ̃̀#ɛ́. Kò dzɛ́ ɔma-Ìyúɖà gbo. Ó ɖi, ó nyíìlò kpaɖà, tsí wáa ɖi olí-Yèésù. Ńǹwèrè yèé Kpɔ́lù wà rɛ̃ ɔ̀nà‐ɛ̀ kã̀ŋa#á, ó tɛ̀ náànyì‐ɛ̀ lɔ. Tsí ó kɔ ìwé méèdzì. Náàtsɛ̃̀tsɛ̃̀#ɛ́, ó kɔ ìwé-ikɔ̀ ɖíɖɔ̃̀ yèé bɛ́, tsí ń dzíkɔ̀-kíbí Yèésù gbé ńǹtalɛ̀ bí gbà#á òŋu kíbí ó kú gbà#á má nára-kíbí ó sɛ̃̀ dzí ti náàŋírĩ-òkú ŋa gbo wá náyé#ɛ́ gbà#á. Iŋɛ́ yèé ó kɔ si#ɛ́, ó gbàá ti ńɖi-ɛnɛ yèé ŋa gbé ńɖi-iŋɛ́ ŋa#á gìɖì gìɖì#ɛ́ ni. Náànyì-bɛ́ɛ̀, ó kɔ ìwé-èkéèdzì, òŋu ní à náa kpè ní Ìwé-Itsɛ́-adzítsɛ́-Yèésù ŋa#á.

Lúkà kɔ ìwé‐ɛ̀ fú olí-Yèésù yèé ŋa kò dzɛ́ ɔma-Ìyúɖà ŋa#á. Ɛnɛ nyɛ̀ŋɛ̀ ŋa#á, à kò wà ńǹlú-ɔma-Ìyúɖà ŋa, tsí gɛ̀rɛ́kì ní à náa fɔ̀#ɛ́. Ó wà dzíkɔ̀ fú ŋa ní Kírísítò dzɛ́ Agbanɛlà yèé Ɔ̀ɖáyé bɛ̀ wá#á fú ɔ̀nyà kpó, ɔma-Ìyúɖà ŋa gbo, ɛnɛ yèé kò dzɛ́ ɔma-Ìyúɖà ŋa#á gbo, ɔnɔkɛ̃̀ɛ̃ ŋa gbo, ɔnɔbɛ̃̀ɛ̃ ŋa gbo, olówó ŋa gbo, adzìyàkú ŋa gbo, ó bɛ̀ɛ́ wá fú àŋa kpó.