1 Kòríntì ŋa i

Ìwé-àtsɛ̃̀tsɛ̃̀ fú ɛnɛ-Kòríntì ŋa

Ìwé-àtsɛ̃̀tsɛ̃̀ fú ɛnɛ-Kòríntì ŋa nyínyà#ɖíre

Ìlú-kã̀ wà nérè-Àkáyà, tsí à náa kpe ìlú#ɛ́ ní Kòríntì. (Nɔ́mbɛ́ báàyí#ɛ́, erè#ɛ́ wà ńlɛ̀-Gɛ̀rɛ́kì.) Tsí Kpɔ́lù lɔ ńǹlú#ɛ́ ńǹwèrè yèé ó wà rɛ̃ ɔ̀nà oláànkéèdzì#ɛ́, tsí ó gbé bɛ̀ títí fú ɔɖɔ̃́-kã̀ òŋu òtsùkpá mɛ́ɛfà. Ńǹwèrè yèé ó gbé bɛ̀ nyɛ̀ŋɛ̀#ɛ́ ní ó ɖá ɛgbɛ́-Kírísítò-kã̀ si bɛ̀#ɛ́. Náàŋírĩ-ɔma-ɛgbɛ́-Kírísítò ŋa#á, ɔ̀nyà kpíkpɔ̀ wà, tsí à kò dzɛ́ ɔma-Ìyúɖà ŋa. Ńǹwèrè yèé Kpɔ́lù wà tse ìwé yèé bɛ́#ɛ́, ó ǹɖe ńKòríntì, tsí káà wà ńǹlú-Èfɛ́sì si ni.

Iŋɛ́ méèdzì ní tse tsí Kpɔ́lù tse ìwé yèé bɛ́#ɛ́. Náàtsɛ̃̀tsɛ̃̀#ɛ́, ó gbɔ́ afɔ̀-íbàɖí ŋa nára-ɛgbɛ́-Kírísítò yèé wà ńKòríntì#ɛ́. Ó gbɔ́ ní ɔma-ɛgbɛ́#ɛ́ ŋa kpɛ̃́ ɛgbɛ́#ɛ́ si, tsí à wà náàrã̀ si, tsí ɔ̀nyà kã̀ŋa gbo tse wérewère. Tsí yèé tɛ̀ɛ́#ɛ́, ɔma-ɛgbɛ́#ɛ́ ŋa tse ìwé-kã̀ wá fúu, tsí bèrèé náfɔ̀ ŋa ti nára-afɔ̀ ŋa ńǹrɔ́ǹrɔ́. Ńbɛ̀ɛ́, ńnɔ́-ìwé yèé bɛ́#ɛ́, ó wà wò ní òŋu kó kɔ ìlò-íbàɖí-ŋa#á fú ŋa, tsí òŋu kó dzɔ́ŋù afɔ̀-ŋa gbo fú ŋa, tsí tsɛ̀kɔ́-ire gbo fú ŋa, tsí ká nyáa gbé ńǹgbèngbé-olí-Yèésù.