Kpɔ́lù wà kɛ́ aya nínɛ́ òŋu ɔkɔ nínɛ́, tsí wà ń tse ìsàwé fúnɛ
7
Ìnàbí-mi ŋa, ɛ̀ŋɛ ní ǹ wà wíìnyɛ̀ fú#ɛ́. È ma ɛkpa-Ɔ̀ɖáyé† rere, tsí è mà gbo ní ɛnɛ yèé wà náàyɛ̀ si#ɛ́ gé ní ɛkpa#á náa nɛ́kpá si ńǹtá‐ɛ̀ si#ɛ́. 2 Ká fɔ̀ ní ɔnɔbɛ̃̀ɛ̃-kã̀ nɔ́kɔ si. Ɛkpa yèé wà ti nára-aya nínɛ́ òŋu ɔkɔ nínɛ́#ɛ́, ɛkpa#á so ɔnɔbɛ̃̀ɛ̃#ɛ́ òŋu ɔkɔ‐ɛ̀ méèdzì si ńǹwèrè yèé ɔkɔ#ɛ́ wà náàyɛ̀ si#ɛ́. Ó ɖi, bí ɔkɔ#ɛ́ kú, ɛkpa#á kò so ɔnɔbɛ̃̀ɛ̃#ɛ́ si ró. 3 Ti nára-bɛ́ɛ̀#ɛ́, bí ó dzɛ́ ní ɔkɔ#ɛ́ wà náàyɛ̀ si, tsí ɔnɔbɛ̃̀ɛ̃#ɛ́ ǹɖe, tsí lɔ káà ɖi aya-olòmírɛ̃̀#ɛ́, ó gbɔkɔ ńnɛ̀ɛ́. Ó ɖi, bí ɔkɔ#ɛ́ kú, ɛkpa#á kò so ɔnɔbɛ̃̀ɛ̃#ɛ́ si ró. Tsí bí ó dzɛ́ ní ó lɔ káà nɛ́ olòmírɛ̃̀ gìɖì#ɛ́, kàkó dzɛ́ ní ó gbɔkɔ ró ńnɛ̀ɛ́.
4 Ìnàbí-mi ŋa nɔ́nɔkɛ̃̀ɛ̃ nɔ́nɔbɛ̃̀ɛ̃, bɛ́ɛ̀ ké ní ó wà fú ɛ̀ŋɛ gbo#ɛ́. Afɔ̀-ká rɛ̃̀ si nɛ́kpa-Mɔ̀ɔ́sè†-kã̀ kpókpó kò tsɛdzɔ́-ŋɛ́ ró, iŋɛ́ yèé tse#ɛ́, è tse ɔ̀kã̀ntso bá Yèésù Kírísítò si kíbí ó kú si ńǹtá-egi-ìɖáàgàlàdzà†#á. Báàyí#ɛ́, ti olòmírɛ̃̀ ní è dzɛ́ si#ɛ́. Ɛnɛ#ɛ́ ní Ɔ̀ɖáyé dzí ti náàŋírĩ-òkú ŋa wá náyé#ɛ́. Iŋɛ́ ŋa#á lɔ bɛ́ɛ̀, àtsùgbée àa kó nyáa wà tse iŋɛ́ yèé náa dzɔdzú-Ɔ̀ɖáyé#ɛ́ ni. 5 Dzɔ̀ɔ́ dzɔ̀ɔ́#ɛ́, ìlò wérewère yèé ŋa wà ti ńɖi-kíbí àa yà gbà#á nɛ́kpá si ńǹtá-wa si. Tsí ɛkpa-Ɔ̀ɖáyé náa wà mú awù-íbàɖí tsítse gbo máa fú wa ró. Tsí ìlò nyɛ̀ŋɛ̀ ŋa kpó#ɛ́, ńkú ní à fà wá làkóò#ɛ́. 6 Ńǹwèrè nyɛ̀ŋɛ̀#ɛ́, ɛkpa-Mɔ̀ɔ́sè nɛ́kpá si ńǹtá-wa si. Ó ɖi báàyí#ɛ́, Ɔ̀ɖáyé gbà wá dzɔ̀ɔ́ nɔ́wɔ́-ɛkpa#á, iŋɛ́ yèé tse#ɛ́, ó wà kíbí àa kú si ńǹrɔ́-kã̀ bɛ́ ti nára‐ɛ̀. Tsí àa nákó nyáa wà dzítsɛ́ fú Ɔ̀ɖáyé gbà ńǹtá-ɔ̀nà titɔ̃ yèé ó wà ɖíre fúnɛ#ɛ́. Ɔ̀nà titɔ̃#ɛ́ ní dzɛ́ ní Mímí-Ɔ̀ɖáyé† náa wà mɔ́wɔ́ gbè fú wa#á. Ɔ̀nà yèé àa kɔ̀ dzɔ̀ɔ́#ɛ́ ní dzɛ́ ɔ̀nà ti ɛkpa-Mɔ̀ɔ́sè#ɛ́.
Ɛkpa-Mɔ̀ɔ́sè kà gbanɛ dzɔ̀ɔ́ nɔ́wɔ́-àbi dzídzɛ
7 Bí ó dzɛ́ bɛ́ɛ̀ fe, bí àa kó fɔ̀ fáà ńǹkɛ̀ɛ́? Àa kó fɔ̀ ní ɛkpa-Mɔ̀ɔ́sè†#ɛ́ náa sɔ́nɛ si náàbi dzídzɛ niì? Láyé! Kò tsi bɛ́ɛ̀ ni. Ɛkpa#á ní tse tsí ǹ ma iŋɛ́ yèé dzɛ́ àbi#ɛ́ nɔ̀. Ɛkpa#á wà fɔ̀ ní: “Odzú-ɛ̀ɛ kó máa kí ńǹtá-iŋɛ́-ɔ̀nyà-kã̀ kpókpó.”* Kàá fɔ̀ bɛ́ɛ̀ fe, bí ǹ má tse fáà, tsí màá? 8 Kíbí ɛkpa#á fɔ̀ bɛ́ɛ̀#ɛ́, awù-íbàɖí tsítse rí ɔ̀nà-kã̀ ńǹsérè-mi, tsí tse tsí odzú-mi náa kí ńǹtá-iŋɛ́ ɔ̀kã̀lɔ́ɔ̀kã̀ kpó si. Ó ɖi, bí ɛkpa#á kò fɔ̀ ní ká máa tse iŋɛ́-kã̀, awù-íbàɖí tsítse gbo kà sɔ́ wa ní ká tseé. 9 Dzɔ̀ɔ́ dzɔ̀ɔ́#ɛ́, ńǹwèrè yèé ɛkpa-Ɔ̀ɖáyé† kò wà#á, ǹ wà si fú ara-mi gé ni. Ó ɖi, kíbí Ɔ̀ɖáyé ɖá ɛ̀wɔ̀‐ɛ̀ si#ɛ́, awù-íbàɖí tsítse wɔ̀ ńǹsérè-mi, 10 tsí ó wà kíbí ǹ kú si ńǹrɔ́-kã̀ bɛ́. Ɛ̀wɔ̀#ɛ́, Ɔ̀ɖáyé ɖáa si, àtsùgbée kó fúnɛ náàyɛ̀ ni. Ó ɖi, tèmi kò lɔ bɛ́ɛ̀. Ikú ní ɛ̀wɔ̀#ɛ́ tédzú fà wá fú èmi òŋu#ɛ́. 11 Kíbí ó lɔ bɛ́ɛ̀#ɛ́, íbàɖí tsítse gbà ńǹtá-ɛ̀wɔ̀#ɛ́, tsí rí ɔ̀nà-kã̀ nára-mi, tsí rú mi, tsí fà mí lɔ ńkú, àtsùgbé-àbi-Ɔ̀ɖáyé yèé ǹ dzɛ#ɛ́. 12 Fee, ɛkpa-Ɔ̀ɖáyé#ɛ́ sã̀ dzálɛ̀ kpó, tsí ɛ̀wɔ̀ kã̀kã̀ yèé wà nɛ́kpa#á gbo#ɛ́ sã̀ dzálɛ̀, tsí òkṹnù kò wà ńnɛ̀, tsí ó dzɛ́ iŋɛ́-ire gbo.
13 Bí ó dzɛ́ bɛ́ɛ̀ ná, ni iŋɛ́-ire tédzú fa ikú wá fú mi ńnɛ̀ɛ́ nɔ̀. Láyé! Kò tsi bɛ́ɛ̀ ni. Íbàɖí tsítse#ɛ́ ní gba iŋɛ́-ire tse ti ara‐ɛ̀, tsí fa ikú wá fú mi#ɛ́. Kíbí ó lɔ bɛ́ɛ̀#ɛ́, ɛ̀wɔ̀#ɛ́ tse tsí à ma kíbí àbi dzídzɛ wà gbà#á, tsí tse tsí ká mà ní àbi dzídzɛ nɛ́ oró tó bɛ́ɛ̀. Kò tsi iŋɛ́-ire ni.
Ìdzà-ìrɔ́-kã̀ wà ńnɔ́-ɔ̀nyà
14 Àa mà ní ɛkpa-Ɔ̀ɖáyé†#ɛ́, títí ńɖi-Mímí-Ɔ̀ɖáyé† ní ó ti#ɛ́. Ó ɖi, èmi òŋu, kíbí ɔ̀nyà yà gbà#á, bɛ́ɛ̀ gé ní ǹ wà#á, tsí ǹ ɖi arú fú íbàɖí tsítse si. 15 Iŋɛ́ yèé mà wà tse#ɛ́, ǹ kà gbɔ́ òkpì‐ɛ̀ gìɖì. Iŋɛ́-ire yèé mà wò ní n tse#ɛ́, ǹ kà tseé. Kà kàa bɛ́ɛ̀, iŋɛ́ yèé mà nyà kãdzú#ɛ́, òŋu ní mà ɖà, tsí wà tse#ɛ́. 16 Kíbí ó dzɛ́ ní iŋɛ́ yèé ǹ kà wò ní n tse#ɛ́ ní mà tse#ɛ́, ǹ rí mà ní ɛkpa-Ɔ̀ɖáyé#ɛ́ dzɛ́ iŋɛ́-ire ńnɛ̀ɛ́. 17 Ńbɛ̀ɛ́, iŋɛ́-íbàɖí yèé ǹ wà tse#ɛ́, kò tsi èmi ká-mi ní wà tseé#ɛ́. Íbàɖí tsítse gìɖì wà náàmbara-mi si, tsí òŋu ní wà sɔ́ mi, tsí ǹ wà tse bɛ́ɛ̀#ɛ́. 18 Ìɖéǹɖè#ɛ́, ǹ mà ní iŋɛ́-ire-kã̀ kpókpó kò wà náàmbara-mi. Kíbí ɔ̀nyà yà gbà#á, bɛ́ɛ̀ gé ní ǹ wà#á. Iŋɛ́-ire tsítse náa kpã́ mi nódzú si tó bɛ́ɛ̀. Ó ɖi, ǹ kà sì nyáa tseé láyéè. 19 Iŋɛ́-ire yèé mà wò ní n wà tse#ɛ́, ǹ kà tseé. Ó ɖi, iŋɛ́-íbàɖí yèé ǹ kà wò ní n tse#ɛ́, òŋu ní mà kóko wà tse#ɛ́. 20 Kíbí ó dzɛ́ ní iŋɛ́ yèé ǹ kà wò ní n tse#ɛ́ ní mà tse#ɛ́, ó wà nyà ɖíre ní kò tsi èmi ká-mi ní wà tse iŋɛ́#ɛ́. Íbàɖí tsítse yèé wà náàmbara-mi si#ɛ́, ní wà sɔ́ mi, tsí ǹ wà tse bɛ́ɛ̀#ɛ́.
21 Ńbɛ̀ɛ́, ǹ wà rí iŋɛ́-kã̀ ńnɔ́-ara-mi. Iŋɛ́#ɛ́ ní wà dzɛ́ ní bí ǹ wò ní n tse iŋɛ́-ire gé ná, íbàɖí gé ní mà tse#ɛ́. 22 Ɛkpa-Ɔ̀ɖáyé náa dzɔdzú-mi si tó bɛ́ɛ̀ ńnɔ́-ara-mi. 23 Ó ɖi, ǹ wà rí ní ikpá-òmírɛ̃̀-kã̀ wà ńnɔ́-ara-mi si, tsí ikpá#á náa wà dzà bá ìsérè-ire tsítse yèé mà wà tse#ɛ́. Tsí ikpá#á tse tsí ǹ kí nɔ́wɔ́-íbàɖí tsítse si. 24 Óò! È rí kíbí iŋɛ́-mi tse ànyínɔ́ si tó gé! Kíbí ǹ yà gbà#á fà mí làkóò ńkú gé ni. Nɛ̀ɛ́ màa rí, tsí kó gbà mí nɔ́ɔ̀nà yèé bɛ́ ná? 25 Ɛ̃ɛ̃! Ɔkpɛ́ kɔ́kpɛ́ ni ti Ɔ̀ɖáyé ni. Òŋu ní gbà ńǹtá-Yèésù Kírísítò Ɔlá-wa, tsí gbà mí nɔ́ɔ̀nà-ìrɔ́ nyɛ̀ŋɛ̀#ɛ́.
Ńbɛ̀ɛ́, ɔ̀nyà-ìrɔ́ yèé ǹ dzɛ́#ɛ́ ní wà dzɛ́ ní ńǹsérè-mi#ɛ́, mà wà rɛ̃̀ si nɛ́kpa-Ɔ̀ɖáyé. Ó ɖi, kíbí ǹ yà gbà#á, ó tse tsí ǹ ɖi arú si fú íbàɖí tsítse.