10
Aqsseq aeqnilhael, ngaeq e neemae onglci'ae zhee panlwangl laeq mael, kaol Momil'ae geezaeq biq mael laoq, Yiqsellyel cholyaeq yaol hha deqjiul biq lye lil. 2 Ngael yoqhhaeteel'ae bal zoqzenl lil, yoqhhaeteel Momil'ae laqheiqqyel biq hhae, ngeelfeiq, hoq e zhishiq ae'lye fuqsil maeqngeel'ae. 3 Yoqhhaeteel Momil e gongyil mael maeq loq biq laol, aeqyoyoq e gongyil mael zongltulzaeq goq biq hhae, kaol yoqhhaeteel Momil e gongyil mael'ae maeq cho'lyeq'ae. 4 Jidu lye lilfaq mael zonglbyel vae laol, yoqhhaeq'ae hael xiangxinl e cholyaeqhael laoq gongyil mael hhamul wae.Hhaoqsongl e cholmil mael'ae geezaeq hael laoq hha deqjiul'ae
5 Lilfaq ae'lye du'lal e gongyil mael'ae gee'li'laol, Moxi xilnye cu deelhhei: "Silqinq xihael zongl e cholyaeq laoq, xihael zongl gae'lye hha dyeqdeel'ae." 6 Ngeelfeiq, xiangxinl gae'lye du'lal e gongyil mael xilnye gee: "Noq e neemae onglci'ae xilnye haeq gee: Aeqsul mqmae vae da'li maoqlye hhaemaeq? (Gee mael laoq, Jidu yaol sheeq gaeyi lye hhae.) 7 Paelsilmyel gee: Aeqsul mil'oq vae doyil maoqlye hhaemaeq? (Gee mael laoq, Jidu yaol cholsil onglci ae'lye sheeq da'laq lye hhae.)" 8 Xiangxinl gae'lye du'lal e gongyil mael aeqdilmyel haelmillye gee hhaemaeq?
"Saeziq xilmael laoq noq'ae niq hhae,
noq e myeqbongq vae za hhae,
kaol noq e neemae onglci vae za hhae,"
(Gee mael laoq, ngaeteel laoq hael xiangxinl e saeziq mael geegaeq hhae lye hhae.) 9 Nol myeqbongq mael'ae Yesu laoq Hhaoqsongl'ae lye cenqrenl, neemae onglci'ae Momil lye yoqhhaeq yaol cholsil onglci ae'lye bi dyeqhoqlal vae lye xiangxinl laol, aeqdilmyel hha deqjiul'ae. 10 Cholyaeq neemae onglci'ae xiangxinl laol gongyil e cholyaeq'ae lye hhae bi gul'ae, myeqbongq vae cenqrenl laol hha deqjiul'ae. 11 Momil e Suqhhaq taq'ae gee: "Yoqhhaeq'ae hael xiangxinl e cholyaeq laoq hhaqbye maq qye li kiq'ae." 12 Yoqtail cholyaeq kaol Xi'lal cholyaeq laoq maeq qiqsheel myel maeqngeel'ae, haelzhol cholyaeqhael'ae Hhaoqsongl qiq hhaeq maoq maeq zhol'ae, yoqhhaeq laoq yoqhhaeq'ae geezaeq biq e cholyaeq haetaeq vae eiq zhee meeq biq hhae. 13 Momil e Suqhhaq taq'ae xilnye gee gol kaol'ae: "Hhaoqsongl e cholmil mael'ae geezaeq e cholyaeqhael laoq aeqdilmyel hha deqjiul."
14 Ngeelfeiq, cholyaeq yoqhhaeq'ae maeq xiangxinl kaollaoq, haelmillyekaol yoqhhaeq'ae geezaeq biq laeq? Yoqhhaeq yaol maeq gaeq gol kaollaoq, haelmillyekaol yoqhhaeq'ae xiangxinl laeq? Momil e saeziq mael geegaeq e cholyaeq maeq zhol kaollaoq, haelmillyekaol hhae gaeq congl laeq? 15 Moqheil maeq bi heil duyil kaollaoq, haelmillyekaol Momil e saeziq mael geegaeq laeq? Momil e Suqhhaq taq'ae cu deelhhei laoqmyel: "Fuqyin geegaeq, kaol hhaol gae'lael aeqmyel e xiaoxiq mael geegaeq e cholyaeqhael, yoqhhaeteel keellael mael laoq haelmillye meeq she maeq!" 16 Ngeelfeiq, haetaeq myel fuqyin mael naelhaeq nae maeqngeel'ae, Yiqsailyal xilnye gee kaol'ae: "Hhaoqsongl o, ngaeteel hael geegaeq mael aeqsul xiangxinl kaollaeq?" 17 Xilnye fu hhei'laol, Momil e saeziq mael'ae xiangxinl mael laoq, Momil e saeziq mael gaeq hhei biq ae'lye lael hhae, Momil e saeziq mael gaeq hhei mael laoq, Jidu e saeziq ae'lye lael hhae. 18 Ngeelfeiq, ngael qiq doq naelhaeq maoq, yoqhhaeteel maeq gaeq hhei biq hhaemaeq? Aeqdilmyel gaeq vae.
"Yoqhhaeteel e yotyel mael milcaeq taq vae
haeqvae eiq geegaeq keelyil vae;
yoqhhaeteel e saeziq mael
mildongq miljyel vae geegaeq keelyil vae."
19 Ngael zail naelhaeq maoq siq: Yiqsellyel cholyaeq maeq loq maeq? Laefuq laoq, Momil Moxi ae'lye geehoq biq, gee:
"Ngael ngaeq hhae lye maeqngeel e cholyaeqhael ae'lye,
noteel yaol heiqcil bi nael maoq;
ngael laoq qiqgiq maq loq e minqcuq ae'lye,
"Ngaeq'ae maeq saelpo e cholyaeq vae,
ngael yoqhhaeteel'ae bi saelpopuq hhei maoq;
ngaeq'ae maeq geezaeq e cholyaeq vae,
ngael yoqhhaeteel'ae bi molli maoq."
21 Yiqsellyel cholyaeq'ae gee keelli laol, yoqhhaeq gee: "Ngael naochomyel saeziq maeq naelhaeq kaol dyeqgaehoq e cholyaeqhael'ae lael lye aqlaq ya biq lil."