Kihhaq milmae zongltul hhei
Minq 35:9-28; Shen 19:1-13
20
Yeheqhuaq Yoshuyal'ae moqheilheil biq, gee: 2 "Nol Yiqsellyel cholyaeq'ae moqheilheil biq, gee: 'Noteel laoq ngael Moxi ae'lye noteel'ae moqheil hael heil biq laoqmyel, kihhaq milmaehael zongltul hhei maoqhhae, 3 Kaol maeqgael lael'oqlye cholyaeq xyeq e cholyaeqhael yaol tyuqvae hhae bi kisae yil. Xihael laoq noteel e kihhaq milmae geiqzaq, kaol xyeq hoqlal e cholyaeq'ae hhae kihhaq zaq'ae. 4 Cholyaeq xyeq e qiq hhaeq milmae heeqmyel xihael onglci e qiqgael'ae kihhaq li maoqhhae, kaol milmae heeqmyel e oheiq vae haoqtul deelhhei, kaol yoqhhaeq haelzongl e silqinq mael tyuqvae milmae heeqmyel e zhangqlaoqhael'ae geegaeq hhei biq. Yoqhhaeteel yoqhhaeq yaol milmae heeqmyel vae sheeqcaq do'li biq, kaol yoqhhaeq'ae zhol e milcaeq biq hhei biq, kaol yoqhhaeq yaol yoqhhaeteel onglci vae bi baelzhol maoqhhae. 5 Xyeq hoqlael e qiq hhaeq yoqhhaeq'ae lyeqmil laeq kaollaoq, zhangqlaoqhael laoq yoqhhaeq yaol xyeq hoqlael qiq hhaeq e aqlaq'ae maeq hhae eemoq biq'ae, yoqhhaeq maeqgael lael'oqlye dongqpyeq e cholyaeq yaol xyeq biq hhae, laefuq yoqhhaeteel chouq za kaol maeqngeel kaol'ae. 6 Yoqhhaeq huilzhongl e yiqsi'ae haoqtul deelhhei kaol bi shenqpanl fu keellye, yoqhhaeq tyuqvae milmae heeqmyel vae zhol maoqhhae; yoqhhaeq cholyaeq xyeq fu daljilsi geiq e tyutaeq sil hhei aeqnaol'ae doqkeel, kaol cholyaeq xyeq e qiq hhaeq laoq kisae duyi e milmae heeqmyel vae kaol aeqyotoq'ae caiq hha hoqli hhae.'"7 Tyulkaol, Yiqsellyel cholyaeq lye Naqfuqta'lil geeqzhoq naeq e milcaeq e Ja'lillil vae e Jidiqsi, Yiqfaqlianq geeqzhoq naeq e milcaeq e Shiljianl kaol Yoqdal geeqzhoq naeq e milcaeq e Ji'lyel Yalba mael saelpodu hhei, Ji'lyel Yalba laoq Xiboqlunq ngeelvae. 8 Yoqhhaeteel lye Yoqdanl Lolbaeq e yulboq'ae Ye'lilge e neeldu aelheiq boq vae, Liuqbenq zhipail onglci ae'lye diqsheelleeldye e dyeongl longlmae vae Biqxi milmae heeqmyel mael saelpodu hhei, kaol Jadeq zhipail onglci ae'lye Ji'lyel e Lamol milmae heeqmyel mael saelpodu hhei, kaol Maqnaqxi zhipail onglci ae'lye Bashan e Ge'lanq milmae heeqmyel mael saelpodu hhei. 9 Xihael gilzuqmyel Yiqsellyel cholyaeqhael'ae, kaol yoqhhaeteel onglci vae baelzhol lael e nilpu cholyaeqhael'ae saelpodu hhei biq e milmae heeqmyelhael'ae, kaol maeqgael lael'oqlye cholyaeq xyeq yo e gilzuqmyel cholyaeqhael'ae tyuqvae bi kisae yil, kaol yoqhhaeq huilzhongl e yiqsi'ae haoqtul deelhhei, kaol bi shenqpanl fu keellye, xyeq hoqlael e qiq hhaeq e aqlaq vae maeq sil kael vae.