Lilveil cholyaeq e milmae heeqmyelhael
21
Lilveil zhipail aeqdae boq ae'lye chogaeyi e minqcuq yoheeqhael laoq jilsi Yiqlilyalsaq, Nenl e yaqyo Yoshuyal kaol Yiqsellyel cholyaeqhael e baeqjyelboq e zhipail e aeqdae boq ae'lye chogaeyi e minqcuq yoheeqhael e tyuqvae niq lael, 2 Kaol Ja'nanq milcaeq e Shilloq vae lye yoqhhaeteel'ae gee biq: "Yilkaefu Yeheqhuaq Moxi ae'lye ngaeteel'ae milmae heeqmyel mael'ae bi zhol laeqngeel, kaol milmae heeqmyel e nildu vae jyeqyaeq bi hoqzaq laqngeel lye moqheilheil gol laq'ae." 3 Tyulkaol, Yiqsellyel cholyaeqhael Yeheqhuaq tyuqmyeq laoqmyel, aeqyoyoq e milcaeq onglci ae'lye, milmae heeqmyel xihael kaol milmae heeqmyel e jyeqyaeq hoqzaq e milcaeq mael Lilveil cholyaeq'ae byel hhei biq vae.4 Gexaq jacuq suqhhaq o vae. Lilveil cholyaeq onglci e jilsi Yallunq e houldailhael laoq, Yoqdal zhipail, Ximianq zhipail kaol Bianlyaqminq zhipail e milcaeqhael onglci ae'lye, suqhhaq o maellye milmae heeqmyel mael qyelsuq gael hhamul hhei biq vae. 5 Gexaq e baeqjyelboq e houldailhael laoq, Yiqfaqlianq zhipail, Danl zhipail kaol Maqnaqxi zhipail e qiq pa cholyaeq e milcaeqhael onglci ae'lye, suqhhaq o maellye milmae heeqmyel mael qyel gael hhamul hhei biq vae. 6 Geqshunl e houldailhael laoq, Yiqsalja zhipail, Yalshel zhipail, Naqfuqta'lil zhipail kaol Bashan vae zhol e Maqnaqxi zhipail e qiq pa cholyaeq e milcaeqhael onglci ae'lye, suqhhaq o maellye milmae heeqmyel mael qyelsuq gael hhamul hhei biq vae. 7 Miqla'lil e houldailhael zonglyaeq laoqmyel, Liuqbenq zhipail, Jadeq zhipail kaol Xibullunq zhipail e milcaeqhael onglci ae'lye, milmae heeqmyel mael qyelniq gael hhamul hhei biq vae. 8 Yiqsellyel cholyaeqhael Yeheqhuaq Moxi ae'lye moqheil hael heil gol biq laoqmyel, milmae heeqmyel xihael kaol milmae heeqmyel e jyeqyaeq hoqzaq e milcaeq mael, suqhhaq o maellye Lilveil cholyaeq'ae byel hhei biq vae.
9 Yoqhhaeteel lye Yoqdal zhipail kaol Ximianq zhipail e milcaeqhael onglci ae'lye, sa'oqboq'ae cholmil hal cuda hhei e milmae heeqmyelhael vae byel hhei biq vae, 10 Byel hhei biq mael laoq, Lilveil cholyaeq e Gexaq zonglyaeq e Yallunq e houldailhael'ae byel hhei biq ngeelvae, yoqhhaeteel'ae suqhhaq o puq hhei biq mael laoq dilyiq gol lye cuda hhei mael kaol'ae: 11 Kaol Yoqdal geeqzhoq naeq e milcaeq e Ji'lyel Yalba kaol dongqpyeq dongqjyel'ae jyeqyaeq hoqzaq e milcaeq mael yoqhhaeteel'ae byel hhei biq vae. Ji'lyel Yalba laoq Xiboqlunq ngeelvae, Yalba laoq Yalnal cholyaeq e aeqpyuq aeqdae'ae. 12 Ngeelfeiq, milmae heeqmyel e aeqhael, kaol milmae heeqmyel xihael e pusiqhael Yefuqniq e yaqyo Ja'lel'ae biq hhei biq, kaol zaeqdye halngeiq bi geiq vae.
13 Yoqhhaeteel lye maeqgael lael'oqlye cholyaeq xyeq yo hael e kihhaq milmae Xiboqlunq kaol milmae heeqmyel e jyeqyaeq hoqzaq e milcaeq mael jilsi Yallunq e houldailhael'ae byel hhei biq; zail laoq, Lilnaq kaol milmae heeqmyel e jyeqyaeq hoqzaq e milcaeq, 14 Yaqtiq'eq kaol milmae heeqmyel e jyeqyaeq hoqzaq e milcaeq, Yiqshiqtiqmol kaol milmae heeqmyel e jyeqyaeq hoqzaq e milcaeq, 15 Heqlunq kaol milmae heeqmyel e jyeqyaeq hoqzaq e milcaeq, Diqbil kaol milmae heeqmyel e jyeqyaeq hoqzaq e milcaeq, 16 Yalyin kaol milmae heeqmyel e jyeqyaeq hoqzaq e milcaeq, Yuta kaol milmae heeqmyel e jyeqyaeq hoqzaq e milcaeq, Boq Shilmail kaol milmae heeqmyel e jyeqyaeq hoqzaq e milcaeq mael'ae, milmae heeqmyelhael laoq gilzuqmyel hhaoq gael'ae, gilzuqmyel Yoqdal kaol Ximianq zhipail onglci ae'lye byeldu hhei hhae. 17 Bianlyaqminq zhipail e milcaeqhael onglci ae'lye yol byel hhei biq hael laoq, Jibianl kaol milmae heeqmyel e jyeqyaeq hoqzaq e milcaeq, Jaba kaol milmae heeqmyel e jyeqyaeq hoqzaq e milcaeq, 18 Yalnaqtu kaol milmae heeqmyel e jyeqyaeq hoqzaq e milcaeq, Yallelmenq kaol milmae heeqmyel e jyeqyaeq hoqzaq e milcaeq mael'ae, milmae heeqmyelhael laoq gilzuqmyel yuq gael'ae. 19 Yallunq e houldail jilsi geiq hael'ae milmae heeqmyelhael laoq gilzuqmyel qyelsuq gael za'ae, kaol milmae heeqmyel e jyeqyaeq hoqzaq e milcaeq mael'ae.
20 Lilveil cholyaeq Gexaq e zonglyaeq, Gexaq baeqjyelboq e houldailhael suqhhaq o maellye hhamul hhei biq e milmae heeqmyel mael laoq Yiqfaqlianq zhipail ae'lye lael hhae. 21 Yoqhhaeteel lye maeqgael lael'oqlye cholyaeq xyeq yo hael e kihhaq milmae, Yiqfaqlianq geeqzhoq naeq e milcaeq e Shiljianl kaol milmae heeqmyel e jyeqyaeq hoqzaq e milcaeq mael Gexaq e baeqjyelboq e houldailhael'ae byel hhei biq; zail laoq, Jisel kaol milmae heeqmyel e jyeqyaeq hoqzaq e milcaeq, 22 Jiboqxian kaol milmae heeqmyel e jyeqyaeq hoqzaq e milcaeq, Boqheqlunq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 23 Danl zhipail e milcaeq onglci ae'lye yol byel hhei biq hael laoq Yi'liltiqji kaol milmae heeqmyel e jyeqyaeq hoqzaq e milcaeqhael, Jibiqdunl kaol milmae heeqmyel e jyeqyaeq hoqzaq e milcaeqhael, 24 Yalyaqlunq kaol milmae heeqmyel e jyeqyaeq hoqzaq e milcaeqhael, Jatel Linqmenq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 25 Kaol Maqnaqxi zhipail e qiq pa cholyaeq e milcaeqhael onglci ae'lye yol byel hhei biq hael laoq Ta'nal kaol milmae heeqmyel e jyeqyaeq hoqzaq e milcaeqhael, Jatel Linqmenq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel niq gael'ae. 26 Gexaq e baeqjyelboq e houldailhael'ae milmae heeqmyelhael laoq gilzuqmyel qyel gael, kaol milmae heeqmyel e jyeqyaeq hoqzaq e milcaeqhael za'ae.
27 Lilveil cholyaeq laoq zonglyaeq onglci e Geqshunl e houldailhael, Maqnaqxi zhipail e qiq pa cholyaeq e milcaeqhael onglci ae'lye hhamul hhei biq e maeqgael lael'oqlye cholyaeq xyeq yo hael e kihhaq milmae, Bashan milcaeq e Ge'lanq kaol milmae heeqmyel e jyeqyaeq hoqzaq e milcaeq mael, kaol Biq Shitiqla kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel niq gael'ae. 28 Yiqsalja zhipail e milcaeqhael onglci ae'lye hhamul hhei biq hael laoq Jishanl kaol milmae heeqmyel e jyeqyaeq hoqzaq e milcaeqhael, Dalbiqla kaol milmae heeqmyel e jyeqyaeq hoqzaq e milcaeqhael, 29 Yemol kaol milmae heeqmyel e jyeqyaeq hoqzaq e milcaeqhael, Yinq Gan'ninq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 30 Yalshel zhipail e milcaeqhael onglci ae'lye hhamul hhei biq hael laoq Miqsha'lel kaol milmae heeqmyel e jyeqyaeq hoqzaq e milcaeqhael, Yadunl kaol milmae heeqmyel e jyeqyaeq hoqzaq e milcaeqhael, 31 Heijaq kaol milmae heeqmyel e jyeqyaeq hoqzaq e milcaeqhael, Lilheq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 32 Naqfuqta'lil zhipail e milcaeqhael onglci ae'lye hhamul hhei biq e maeqgael lael'oqlye cholyaeq xyeq yo hael e kihhaq milmae, Ja'lillil milcaeq e Jidiqsi kaol milmae heeqmyel e jyeqyaeq hoqzaq e milcaeq mael, kaol Hamol Do'eq kaol milmae heeqmyel e jyeqyaeq hoqzaq e milcaeqhael, Ja'eqtanq kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel suq gael'ae. 33 Geqshunl cholyaeq laoq zonglyaeq laoqmyel hhamul hhei biq e milmae heeqmyelhael laoq gilzuqmyel qyelsuq gael'ae, kaol milmae heeqmyel e jyeqyaeq hoqzaq e milcaeqhael za'ae.
34 Baeqjyelboq e Lilveil cholyaeq Miqla'lil e houldailhael zonglyaeq laoqmyel Xibullunq zhipail e milcaeqhael onglci ae'lye hhamul hhei biq hael laoq Yoqnianl kaol milmae heeqmyel e jyeqyaeq hoqzaq e milcaeqhael, Ja'eqta kaol milmae heeqmyel e jyeqyaeq hoqzaq e milcaeqhael, 35 Din'naq kaol milmae heeqmyel e jyeqyaeq hoqzaq e milcaeqhael, Naqha'la kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 36 Liuqbenq zhipail e milcaeqhael onglci ae'lye hhamul hhei biq hael laoq Biqxi kaol milmae heeqmyel e jyeqyaeq hoqzaq e milcaeqhael, Yaqzaq kaol milmae heeqmyel e jyeqyaeq hoqzaq e milcaeqhael, 37 Jidiqmol kaol milmae heeqmyel e jyeqyaeq hoqzaq e milcaeqhael, Miqfaqya kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 38 Jadeq zhipail e milcaeqhael onglci ae'lye hhamul hhei biq e maeqgael lael'oqlye cholyaeq xyeq yo hael e kihhaq milmae, Ji'lyel milcaeq e Lamol kaol milmae heeqmyel e jyeqyaeq hoqzaq e milcaeqhael, Maqha'nianl kaol milmae heeqmyel e jyeqyaeq hoqzaq e milcaeqhael, 39 Xishiqbenq kaol milmae heeqmyel e jyeqyaeq hoqzaq e milcaeqhael, Yaqxyel kaol milmae heeqmyel e jyeqyaeq hoqzaq e milcaeqhael'ae, milmae heeqmyelhael laoq gilzuqmyel yuq gael'ae. 40 Lilveil zonglyaeq baeqjyelboq e cholyaeqhael, Miqla'lil e houldailhael zonglyaeq laoqmyel suqhhaq o, kaol hhamul hhei biq e milmae heeqmyelhael laoq gilzuqmyel qyelniq gael'ae.
41 Lilveil cholyaeq Yiqsellyel cholyaeqhael e milcaeqhael onglci'ae lye, hhamul hhei biq e milmae heeqmyelhael laoq gilzuqmyel yuqqyel heiq gael'ae, kaol milmae heeqmyel e jyeqyaeq hoqzaq e milcaeqhael bal zoq wae siq. 42 Milmae heeqmyel xihael e dongqpyeq dongqjyel vae milmae heeqmyel e jyeqyaeq hoqzaq e milcaeq za hhae, hae qiqgael e milmae heeqmyel vae eiq xilnye hhae.
Yiqsellyel cholyaeqhael'ae milcaeq hhamul hhei biq vae
43 Xilnye laol, Yeheqhuaq lye yilkaefu yoqhhaeteel e aeqpyuq aeqdae'ae faqsilkei gol biq e yoqhhaeteel'ae byel laeqngeel lye halza milcaeq mael Yiqsellyel cholyaeq'ae byel hhei biq vae, kaol yoqhhaeteel'ae zaeqdye halngeiq hhamul hhei biq vae, kaol tyuqvae zholgae hhei gil vae. 44 Yeheqhuaq laoq yoqhhaeteel e aeqpyuq aeqdae'ae biq laqngeel lye faqsilkei gol biq e gilzuqmyel saeziq laoqmyel, yoqhhaeteel'ae halza milcaeq vae neesaelhhae mael biq hhei biq. Yoqhhaeteel e gilzuqmyel diqrenqhael, yoqhhaeteel e yiqsi'ae qiq hhaeq eiq maeq haoqtul deel ongl'ae. Yeheqhuaq lye haelzhol e diqrenqhael yaol gilzuqmyel yoqhhaeteel e aqlaq'ae eemoq biq vae. 45 Yeheqhuaq Yiqsellyel toq'ae geeqlongq biq laeqngeel lye gee gol biq e saeziq mael, maq peqlal myel qiq doq eiq maeq za'ae, gilzuqmyel peqlal vae.