Ximianq'ae byel hhei biq e milcaeq
19
Dil'el gol lye cuda hhei e suqhhaq mael laoq Ximianq zhipail'ae o puq hhei biq hhae, Ximianq zhipail e cholyaeq zonglyaeq laoqmyel suqhhaq o du hhei hhae, yoqhhaeteel hhamul hhei biq e zaeqdye halngeiq mael laoq, Yoqdal cholyaeq e zaeqdye halngeiq onglci vae za hhae. 2 Yoqhhaeteel'ae hhamul hhei biq kaol zaeqdye halngeiq geiq e milcaeq mael laoq xihael'ae: Shilba lye eiq gul e Byeqshilba, Moqladal, 3 Hasal Shuyal, Ba'la, Yiqsen, 4 Yi'leldo'lal, Biqtullil, Heq'eqmaq, 5 Xiqgeqla, Boq Majaboq, Hasal Susaq, 6 Boq Lilbawul kaol Sa'luqxianq'ae, gilzuqmyel milmae heeqmyel mael qyelsuq gael'ae, kaol milmae heeqmyel xihael hhae lye e pusiqhael bal zoq wae siq; 7 Kaol Yalyin, Lilmenq, Yiqtye kaol Yalshan'ae, gilzuqmyel milmae heeqmyel mael yuq gael'ae, kaol milmae heeqmyel xihael hhae lye e pusiqhael bal zoq wae siq; 8 Kaol milmae heeqmyel xihael e dongqpyeq dongqjyel e gilzuqmyel pusiqhael'ae, Ba'la Biq'eq vae keellye hhae, Ba'la Biq'eq laoq, Neilgaelvuq e Lamaq ngeelvae. Xilmael laoq Ximianq zhipail e cholyaeq zonglyaeq laoqmyel hhamul hhei biq e milcaeq mael'ae. 9 Ximianq cholyaeq e milcaeq mael Yoqdal cholyaeq e milcaeq ae'lye byeldu hhei hhae, Yoqdal cholyaeq'ae hhamul hhei biq mael zhee naeq, tyulkaol, Ximianq cholyaeq e milcaeq mael laoq Yoqdal cholyaeq e milcaeq onglci ae'lye byeldu hhei hhae.Xibullunq'ae byel hhei biq e milcaeq
10 Dilsan gol lye cuda hhei e suqhhaq mael laoq Xibullunq zhipail'ae o puq hhei biq hhae, zonglyaeq laoqmyel o du hhei hhae. Yoqhhaeteel e milcaeq e bian'gail mael Saqlil vae maol keel hhae. 11 Yoqhhaeteel e miljyel mael neelgae aelheiq boq'ae lye Maqla'la vae da keel, kaol Dalbasel vae keel, kaol Yoqnianl laefuq e lolbaeq vae yol keel hhae. 12 Kaol Saqlil ae'lye neeldu aelheiq boq'ae lye neelmae du'lal boq'ae laqhhehhe gayil, kaol Jiqsi'lyul Taboq e bian'gail vae gol yil, kaol Dalbiqla vae keel, kaol Yaqfeiyal vae yol da keel hhae. 13 Kaol tyuqvae lye neeldu aelheiq boq'ae lye Jatel Xifuq vae gol yil, kaol Yiqtel Jaxun vae keel, kaol Linqmenq vae maol keel, kaol Niqyal vae maoldu keel hhae. 14 Miljyel xilmael beqbian'ae lye Niqyal vae hhe duyil, kaol Ha'naqdunl vae keel, kaol Yifuqta Yi'lel Longlkaeq vae keellye maol keel hhae, 15 Jata, Naqha'la, Sen'lunq, Yiqdalla kaol Boqlilhenq laoqlye hhae, gilzuqmyel milmae heeqmyel mael qyelniq gael'ae, kaol milmae heeqmyel xihael hhae lye e pusiqhael bal zoq wae siq. 16 Milmae heeqmyelhael, kaol milmae heeqmyel xihael hhae lye e pusiqhael laoq, Xibullunq cholyaeq laoq zonglyaeq laoqmyel hhamul hhei biq e milcaeq mael'ae.
Yiqsalja'ae byel hhei biq e milcaeq
17 Dilsil gol lye cuda hhei e suqhhaq mael laoq Yiqsalja zhipail'ae o puq hhei biq hhae, Yiqsalja cholyaeq zonglyaeq laoqmyel o du hhei hhae. 18 Yoqhhaeteel e miljyel mael laoq xihael keellye hhae: Yesi'lyel, Jisu'lyul, Shu'nianl 19 Hafuqlianq, Shil'anl, Yalnaqha'la, 20 Labil, Jishanl, Yalbyeq, 21 Lilmyel, Yinq Gan'ninq, Yinq Hadal kaol Boq Palxue. 22 Miljyel xilmael Taboq, Sahaxiqmaq kaol Boq Shilmail vae keel hhae, yoqhhaeteel e miljyel mael Yoqdanl Lolbaeq vae maol keel hhae, gilzuqmyel milmae heeqmyel mael qyelkoq gael'ae, kaol milmae heeqmyel xihael hhae lye e pusiqhael bal zoq wae siq. 23 Milmae heeqmyelhael, kaol milmae heeqmyel xihael hhae lye e pusiqhael laoq, Yiqsalja zhipail e cholyaeq laoq zonglyaeq laoqmyel hhamul hhei biq e milcaeqhael'ae.
Yalshel'ae byel hhei biq e milcaeq
24 Dilvuq gol lye cuda hhei e suqhhaq mael laoq Yalshel zhipail e cholyaeq zonglyaeq laoqmyel o du hhei hhae. 25 Yoqhhaeteel e miljyel mael laoq, Heijaq, Ha'lil, Biqtianq, Yashal, 26 Yallamiqlel, Yalmol kaol Miqsha'lel'ae, neelgae aelheiq boq'ae polyil kaol Jamil vae keel hhae, kaol Xiheq Lilnal vae yol keel hhae, 27 Kaol neelmae du'lal boq e Boq Dalgunq vae laqhhehhe polyil, kaol Xilbullunq vae keel; kaol beqbian boq'ae duyil, kaol Yifuqta Yi'lel Longlkaeq vae keel, Boq Yiqmol kaol Niq'yel vae yol keel, kaol Jabullel e laeqbaelboq'ae eiq maol keel hhae, 28 Kaol Yilboqlunq, Lilheq, Hamenq kaol Ja'naq vae yol keel, kaol Xidunl haeqheemyel milmae heeqmyel vae keel hhae. 29 Miljyel xilmael Lamaq vae laqhhehhe gayil, kaol maeq diq do'li sael e Tui'loq milmae heeqmyel vae keellye hhae. Miljyel xilmael Heqsal vae yol laqhhehhe gayil, kaol Yalgeqxi e dongqpyeq dongqjyel e milcaeq vae niqli, kaol eeldeel deelmae vae maol keellye hhae. 30 Zail laoq Wumaq, Yalfuq kaol Lilheq'ae, gilzuqmyel milmae heeqmyel mael niqqyel niq gael'ae, kaol milmae heeqmyel xihael hhae lye e pusiqhael bal zoq wae siq. 31 Milmae heeqmyelhael, kaol milmae heeqmyel xihael hhae lye e pusiqhael laoq, Yalshel zhipail e cholyaeq laoq zonglyaeq laoqmyel hhamul hhei biq e milcaeqhael'ae.
Naqfuqta'lil'ae byel hhei biq e milcaeq
32 Dilluq gol lye cuda hhei e suqhhaq mael laoq Naqfuqta'lil zhipail'ae o puq hhei biq hhae, Naqfuqta'lil cholyaeq zonglyaeq laoqmyel o du hhei hhae. 33 Yoqhhaeteel e miljyel mael laoq Xi'lilfuq vae lye, kaol Saqnaqyin e aeqpoq aelbol, Yaldalmiq Niqjiq kaol Yaqbiqnyel vae lye, Lagongl vae keellye hhae, kaol Yoqdanl Lolbaeq keellye maol keel hhae. 34 Miljyel xilmael neelgae aelheiq boq'ae polyil kaol Yalsi'nal Taboq vae laqhhehhe keelyil, kaol tyuqvae lye Hulge vae maol keel hhae, nanqbian boq'ae polyil kaol Xibullunq vae keel hhae, neelgae aelheiq boq'ae polyil kaol Yalshel vae keel hhae, neelmae du'lal boq'ae lye Yoqdanl Lolbaeq e Yoqdal vae keel hhae. 35 Maeq diq do'li sael e milmae heeqmyel mael laoq Xidin, Cel'eq, Hamol, Lajaq, Ji'niqlyel, 36 Yaldalmaq, Lamaq, Xalsoq, 37 Jidiqsi, Yiqdeqlaiq, Yinq Xalsoq, 38 Yiqlilwenq, Mildal Yi'lel, Heqlianq, Boq Yalnal, kaol Boq Shilmail'ae, gilzuqmyel milmae heeqmyel mael qyelhhaoq gael'ae, kaol milmae heeqmyel xihael hhae lye e pusiqhael bal zoq wae siq. 39 Milmae heeqmyelhael, kaol milmae heeqmyel xihael hhae lye e pusiqhael laoq, Naqfuqta'lil zhipail e cholyaeq laoq zonglyaeq laoqmyel hhamul hhei biq e milcaeqhael'ae.
Danl'ae byel hhei biq e milcaeq
40 Zonglyaeq laoqmyel, dilqiq gol lye cuda hhei e suqhhaq mael laoq Danl zhipail'ae o puq hhei biq hhae. 41 Yoqhhaeteel e milcaeq e bian'gailhael laoq Soqla, Yiqshiqtaoq, Yi'eq Shilmail, 42 Sa'labin, Yalyaqlunq, Yitiqla, 43 Yiqlunq, Tinqnaq, Yiqgeqlunq, 44 Yi'liltiqji, Jibiqdunl, Ba'la, 45 Yihuqdeq, Biqniq Biqla, Jatel Linqmenq, 46 Meiq Yekun, Lakun kaol Yopal yulboq e miljyel'ae. 47 Danl e houldailhael yoqhhaeteel e milcaeq mael baelyil biq fu, da'li kaol Lilshanl mael diq yinqzaeq li, kaol maejyel maellye milmae heeqmyel onglci e cholyaeqhael yaol xyeq biq, kaol milmae heeqmyel tyulmael hhamul hhei biq vae, kaol milmae heeqmyel vae zhol, kaol yoqhhaeteel e aeqpyuq aeqdae Danl e cholmil maellye Lilshanl mael Danl lye milpael hhei. 48 Milmae heeqmyelhael, kaol milmae heeqmyel xihael hhae lye e pusiqhael laoq, Danl zhipail e cholyaeq laoq zonglyaeq laoqmyel hhamul hhei biq e milcaeqhael'ae.
Yoshuyal'ae byel hhei biq e milmae heeqmyel mael
49 Yiqsellyel cholyaeqhael milcaeq e miljyel laoqmyel milcaeq byelzaeq, byelzaeq byel hhei'laol, yoqhhaeteel onglci'ae lye milcaeq mael Nenl e yaqyo Yoshuyal'ae byel hhei biq kaol zaeqdye halngeiq bi geiq. 50 Yoqhhaeteel Yeheqhuaq tyuqmyeq laoqmyel, Yoshuyal mul maoqlye gee e milmae heeqmyel mael yoqhhaeq'ae byel hhei biq, milmae heeqmyel tyulmael laoq, Yiqfaqlianq geeqzhoq naeq e milcaeq e Tinqnaq Xi'la mael ngeelvae. Yoshuyal milmae heeqmyel tyulmael cutul zaq hhae, kaol milmae heeqmyel onglci'ae zhol. 51 Xilmael laoq jilsi Yiqlilyalsaq kaol Nenl e yaqyo Yoshuyal, kaol Yiqsellyel cholyaeq e hae yiq gol zhipail aeqdae boq ae'lye chogaeyi e yoheeqhael, Shilloq e Momil e haeqpael haelcul e oheiq, Yeheqhuaq e yiqsi ae'lye suqhhaq o maellye byel e milcaeqhael'ae. Xilnye laol, yoqhhaeteel milcaeq byelzaeq e silqinq mael zonglbyel vae.