Maeq zholchiqzaeq e milcaeqhael
13
Yoshuyal cholhoq li aeqwae, Yeheqhuaq yoqhhaeq'ae gee biq: "Nol cholhoq li aeqwae, zadeel siq e maeq zholchiqzaeq e milcaeq zhee za wae siq. 2 Zadeel siq e milcaeqhael laoq, Fei'lilshil cholyaeq e halza mildongq miljyel, kaol Jisul cholyaeq hhae lye e milcaeqhael'ae, 3 Jisul e milcaeqhael laoq, Aijiq e neeldu aelheiq boq e Xiheq Lolbaeq ae'lye beqbian boq'ae duyil, kaol Yiqgeqlunq e bian'gail vae keellye hhae, Ja'nanq cholyaeq hhae lye e milcaeq suanl hhae, tyuqvae laoq Fei'lilshil cholyaeq e yoheeq ngaeq hhaeq lye guanqtyeq deelhhei e Jasal cholyaeq, Yalshiqtu cholyaeq, Yalshiqji'lunq cholyaeq, Jatel cholyaeq kaol Yiqgeqlunq cholyaeq zhol hhae; nanqbian boq'ae za e Yalweil cholyaeq hhae lye e milcaeq eiq bal zoq wae siq; 4 Nanqbian vae, Ja'nanq cholyaeq e halza milcaeq eiq bal zoq wae siq, kaol Xidunl cholyaeq e Miqyalla ae'lye mael Yalfuq vae keel hhae, kaol Yalmoqlil cholyaeq e bian'gail vae keellye hhae; 5 Jaba'lel cholyaeq e milcaeq eiq bal zoq wae siq, kaol neelmae du'lal boq e Liqba'nenl halza milcaeq, Heimenq Geeqzhoq e aq'oq e Ba'lil Jadeq vae lye mael Hamaq milcaeq'ae do'li myel vae keellye hhae; 6 Kaol Liqba'nenl ae'lye mael Miqsi'lilfuq Maqyin vae keellye hhae, kaol ngael geeqzhoq naeq e milcaeq vae zhol e Xidunl cholyaeqhael yaol Yiqsellyel cholyaeq e yiqsi ae'lye lyeqdu maoq. Nol ngael moqheilheil biq laoqmyel, suqhhaq o maellye milcaeq xihael Yiqsellyel cholyaeq'ae byel hhei biq kaol zaeqdye halngeiq bi geiq laol hhaeq vae. 7 Yaeqmeel nol milcaeq xihael hhaoq zhipail'ae kaol Maqnaqxi zhipail e qiq pa cholyaeq'ae byel hhei biq kaol zaeqdye halngeiq bi geiq."Yoqdanl Lolbaeq e neeldu aelheiq e milcaeq mael byelzaeq
8 Liuqbenq zhipail, Jadeq zhipail kaol Maqnaqxi zhipail e qiq pa cholyaeq'ae zaeqdye halngeiq mael hhamul hhei biq vae, milcaeq xihael laoq, Yeheqhuaq e yaqhacheqzaq e cholyaeq Moxi lye Yoqdanl Lolbaeq e neeldu aelheiq vae lye yoqhhaeteel'ae biq hhei biq hael ngeelvae: 9 Biq hhei biq hael laoq, Yalnenl Longlkaeq e myeqzaeq e Yalloq'eq kaol longlkaeq onglci e milmae heeqmyel mael, kaol Miqdiqba e halza dyeongl longlmae ae'lye mael Diqbenq vae keellye hhae; 10 Xishiqbenq vae zongmae geiq e Yalmoqlil e zongmae Xihongq e milmae heeqmyelhael, kaol Yaqmenq cholyaeq e bian'gail vae keellye hhae; 11 Ji'lyel, Jisul cholyaeq kaol Maqja cholyaeq e bian'gail, Heimenq Geeqzhoq halza milcaeq, Bashan halza milcaeq, kaol Saqja vae keellye hhae; 12 Yalsita'lul, kaol Yiqdeqlaiq vae zongmae geiq e Bashan e zongmae El e halza milcaeq, El laoq Lilfaqyin cholyaeq onglci'ae dyeqdeel siq e qiqhhaeq hhaeqli'ae. Moxi lye cholyaeq xihael yaol diq yinqzaeq biq kaol lyeqdu biq vae. 13 Ngeelfeiq, Yiqsellyel cholyaeqhael Jisul cholyaeq kaol Maqja cholyaeq yaol maeq lyeqdu biq'ae; Jisul cholyaeq kaol Maqja cholyaeq yaeqnao keellye Yiqsellyel cholyaeq onglci vae zhol wae siq.
14 Moxi zaeqdye halngeiq maeq byel biq mael laoq Lilveil zhipail wae. Yoqhhaeteel e zaeqdye halngeiq mael laoq, Yiqsellyel e Momil Yeheqhuaq'ae heel biq e Aeqzaeq Pe Zaelheel mael'ae, xilmael laoq, Yeheqhuaq yoqhhaeteel'ae gee biq laoqmyel hhae.
Liuqbenq zhipail'ae byel hhei biq e milcaeq
15 Moxi lye Liuqbenq zhipail e zonglyaeq laoqmyel, yoqhhaeteel'ae zaeqdye halngeiq byel hhei biq. 16 Yoqhhaeteel e miljyel mael laoq Yalnenl Longlkaeq myeqzaeq e Yalloq'eq kaol longlkaeq onglci e milmae heeqmyel mael, kaol Miqdiqba vae niqli e halza dyeongl longlmae mael'ae, 17 Zail laoq, Xishiqbenq kaol Xishiqbenq hhae lye e dyeongl longlmae vae halza e milmae heeqmyelhael'ae. Milmae heeqmyel tyuhael laoq, Diqbenq, Bamol Ba'lil, Boq Ba'lil Mianq, 18 Yaqzaq, Jidiqmol, Miqfaqya, 19 Ji'lyeltinq, Xibiqmaq, longlkaeq onglci e hongldul milcaeq taq e Xillyel Shaxaq, 20 Boq Pi'eq, Pisija Geeqzhoq e baeqxeiq, Boq Yeshimol; 21 Zail laoq, dyeongl longlmae e halza e milmae heeqmyelhael, Yalmoqlil e zongmae Xihongq e halza milcaeq'ae. Xihongq xitaeq laefuq Xishiqbenq vae zongmae geiq hhae, Moxi lye yoqhhaeq yaol kaol Miqdianl e minqcuq e yoheeq Yiqveil, Liljin, Su'eq, Hul'eq kaol Lilba yaol xyeq biq vae; Yoqhhaeteel laoq gilzuqmyel Xihongq hhae lye e yoheeq'ae, saeqvae milcaeq vae zhol gol hhae. 22 Yiqsellyel cholyaeq lye cholyaeq xihael yaol xyeq biq fu, Biq'eq e yaqyo moqpilpil e Ba'lanq yaol eiq maejyel maellye xyeq biq vae. 23 Liuqbenq cholyaeq e milcaeq e miljyel mael laoq Yoqdanl Lolbaeq, kaol Yoqdanl Lolbaeq'ae niqli e milcaeq ngeelvae. Sataqboqhael laoq Liuqbenq cholyaeq e zonglyaeq laoqmyel hhamul hhei biq e zaeqdye halngeiq geiq e milmae heeqmyelhael, kaol milmae heeqmyel xihael hhae lye e pusiqhael'ae.
Jadeq zhipail'ae byel hhei biq e milcaeq
24 Moxi lye Jadeq zhipail e zonglyaeq laoqmyel, yoqhhaeteel'ae zaeqdye halngeiq byel hhei biq. 25 Yoqhhaeteel e miljyel mael laoq Yaqxyel kaol Ji'lyel e halza e milmae heeqmyelhael'ae, kaol Yalmenq cholyaeq e qiq pa milcaeq mael'ae, Laba laefuq e Yalloq'eq vae keellye hhae; 26 Zail laoq, Xishiqbenq ae'lye mael Lamol Miqsiba kaol Biqdo'ninq vae keel hhae, kaol Maqha'nianl ae'lye mael Diqbil e bian'gail'ae keellye hhae, 27 Kaol longlkaeq onglci e Boq Yallanq, Boq Ninq'la, Shuge, Saqfen, milcaeq xihael laoq, Xishiqbenq e zongmae Xihongq e goqja e milcaeq zadeel siq e baeqjyelboq e milcaeqhael ngeelvae, kaol Yoqdanl Lolbaeq kaol Yoqdanl Lolbaeq vae niqli e milcaeq, Ji'niqlyel eeldeel deelmae e myeqzaeq vae keellye hhae, gilzuqmyel Yoqdanl Lolbaeq e neeldu aelheiq boq'ae za hhae. 28 Sataqboqhael laoq Jadeq cholyaeq e zonglyaeq laoqmyel hhamul hhei biq e zaeqdye halngeiq geiq e milmae heeqmyelhael, kaol milmae heeqmyel xihael hhae lye e pusiqhael'ae.
Maqnaqxi zhipail e qiq pa cholyaeq'ae byel hhei biq e milcaeq
29 Moxi lye zaeqdye halngeiq mael Maqnaqxi zhipail e qiq pa cholyaeq'ae byel hhei biq, xilmael laoq Maqnaqxi zhipail e qiq pa cholyaeq e zonglyaeq laoqmyel byel hhae. 30 Yoqhhaeteel e miljyel mael laoq Maqha'nianl ae'lye suanl hhae, kaol Bashan halza milcaeq laoqlye hhae, milcaeq xihael laoq, Bashan e zongmae El e halza milcaeq, kaol Bashan, Yaq'eq halza milmae heeqmyel mael ngeelvae, gilzuqmyel koqqyel gael'ae; 31 Zail laoq, Ji'lyel e qiq pa, kaol Bashan goqja e zongmae El e Yalsita'lul, kaol Yiqdeqlaiq e milmae heeqmyel xi niq gael'ae. Milcaeq xihael laoq zonglyaeq laoqmyel Maqnaqxi yaqyo Maqjiq e yuqpaeq yuqnyul'ae byel hhei biq mael'ae, Maqjiq e qiq pa e yuqpaeq yuqnyul'ae byel biq mael ngeelvae. 32 Sataqboqhael laoq, Moxi lye Yoqdanl Lolbaeq e neeldu aelheiq, Ye'lilge yiqsi e yulboq e Moqya e dyeongl longlmae vae lye byel hhei gil biq e zaeqdye halngeiq mael'ae. 33 Ngeelfeiq, Lilveil zhipail'ae laoq, Moxi yoqhhaeteel'ae zaeqdye halngeiq maeq byel biq'ae. Yiqsellyel e Momil Yeheqhuaq laoq yoqhhaeteel e zaeqdye halngeiq'ae, xilmael laoq, Yeheqhuaq yoqhhaeteel'ae gee biq laoqmyel hhae.