Moxi lye diq yinqzaeq biq e zongmaehael
12
Sa'oqboqhael laoq, Yiqsellyel cholyaeqhael Yoqdanl Lolbaeq e neeldu aelheiq, neelmae du'lal boq'ae, Yalnenl Longlkaeq ae'lye mael Heimenq Geeqzhoq'ae keellye, kaol neeldu aelheiq e Yallaba e halza milcaeq vae hal xyeq biq e zongmaehael kaol hal hhamul e biq milcaeqhael'ae: 2 Xishiqbenq vae zhol e Yalmoqlil e zongmae Xihongq, yoqhhaeq guanq e milcaeq mael laoq Yalnenl Longlkaeq e myeqzaeq e Yalloq'eq ae'lye mael, longlkaeq onglci e milmae heeqmyel mael kaol Ji'lyel e qiq pa, kaol Yalmenq cholyaeq e bian'gail e Yaqboq Lolbaeq vae keellye hhae, 3 Kaol neeldu aelheiq boq e Yallaba diqsheelleeldye ae'lye mael, Ji'niqlyel eeldeel deelmae vae, kaol neeldu aelheiq boq e Boq Yeshimol e gaelmae vae keellye hhae, Caqdeq Eeldeel lye gul e Yallaba e eeldeel deelmae vae keellye hhae, kaol nanqbian boq'ae duyil, kaol Pisija Geeqzhoq e baeqxeiq e geeqzhoq e aeqkeel vae keellye hhae. 4 Zail laoq, Bashan e zongmae El, yoqhhaeq laoq Lilfaqyin cholyaeq e zholdeelsaeq e cholyaeq'ae, Yalsita'lul kaol Yiqdeqlaiq vae zhol hhae. 5 Yoqhhaeq guanqtyeq e milcaeqhael laoq, Heimenq Geeqzhoq, Saqja, Bashan halza milcaeq ae'lye mael, Jisul cholyaeq kaol Maqja cholyaeq e bian'gail vae keellye hhae; kaol Ji'lyel milcaeq e qiq pa ae'lye mael, Xishiqbenq e zongmae Xihongq e bian'gail vae keellye hhae. 6 Zongmae xi niq nulhhaeq yaol laoq, Yeheqhuaq e yaqhacheqzaq e cholyaeq Moxi kaol Yiqsellyel cholyaeq lye xyeq biq hhae. Yeheqhuaq e yaqhacheqzaq e cholyaeq Moxi lye yoqhhaeteel e milcaeq mael Liuqbenq cholyaeq'ae, Jadeq cholyaeq'ae kaol Maqnaqxi zhipail e qiq pa cholyaeq'ae byel hhei biq, kaol zaeqdye halngeiq bi geiq hhae.Yoshuyal lye diq yinqzaeq biq e zongmaehael
7 Xihael laoq Yoshuyal kaol Yiqsellyel cholyaeq lye Yoqdanl Lolbaeq e neelgae aelheiq vae hal xyeq biq e zongmaehael'ae, yoqhhaeteel e milcaeq mael laoq Liqba'nenl longlkaeq e Ba'lil Jadeq ae'lye mael Xi'eq e Ha'la Geeqzhoq'ae da keel hhae. Yoshuyal lye Yiqsellyel zhipailhael hal hhamul e vuqtu laoqmyel, milcaeq mael yoqhhaeteel'ae byel hhei biq, kaol zaeqdye halngeiq bi geiq, 8 Milcaeqhael laoq, Hel cholyaeq, Yalmoqlil cholyaeq, Ja'nanq cholyaeq, Biqlilxiq cholyaeq, Xiveil cholyaeq, Yebulsi cholyaeq e milcaeq mael ngeelvae, geeqzhoq naeq e milcaeq, balziq, Yallaba, geeqzhoq baeqxeiq, diqsheelleeldye kaol Neilgaelvuq laoqlye hhae. 9 Zongmaehael laoq sa'oqboq e xihael'ae: Qiq hhaeq laoq Ye'lilge e zongmae'ae, qiq hhaeq laoq Boqtellil'ae niqli e Ail milmae heeqmyel e zongmae'ae, 10 Qiq hhaeq laoq Ye'lulsa'lenq e zongmae'ae, qiq hhaeq laoq Xiboqlunq e zongmae'ae, 11 Qiq hhaeq laoq Yemol e zongmae'ae, qiq hhaeq laoq Lajiq e zongmae'ae, 12 Qiq hhaeq laoq Yiji'lunq e zongmae'ae, qiq hhaeq laoq Jisel e zongmae'ae, 13 Qiq hhaeq laoq Diqbil e zongmae'ae, qiq hhaeq laoq Jideq e zongmae'ae, 14 Qiq hhaeq laoq Heq'eqmaq e zongmae'ae, qiq hhaeq laoq Yalladeq e zongmae'ae, 15 Qiq hhaeq laoq Lilnaq e zongmae'ae, qiq hhaeq laoq Yaldullanq e zongmae'ae, 16 Qiq hhaeq laoq Maqjidal e zongmae'ae, qiq hhaeq laoq Boqtellil e zongmae'ae, 17 Qiq hhaeq laoq Tapuqyal e zongmae'ae, qiq hhaeq laoq Xifuq e zongmae'ae, 18 Qiq hhaeq laoq Yalfuq e zongmae'ae, qiq hhaeq laoq Lasha'lunq e zongmae'ae, 19 Qiq hhaeq laoq Maqdunl e zongmae'ae, qiq hhaeq laoq Xalsoq e zongmae'ae, 20 Qiq hhaeq laoq Sen'lunq Miqlunq e zongmae'ae, qiq hhaeq laoq Yashal e zongmae'ae, 21 Qiq hhaeq laoq Ta'nal e zongmae'ae, qiq hhaeq laoq Miqjiqdo e zongmae'ae, 22 Qiq hhaeq laoq Jidiqsi e zongmae'ae, qiq hhaeq laoq Jamiq vae niqli e Yoqnianl e zongmae'ae, 23 Qiq hhaeq laoq Do'eq hongldul milcaeq e Do'eq e zongmae'ae, qiq hhaeq laoq Jiqjaq e Geyinl e zongmae'ae, 24 Qiq hhaeq laoq Deqsaq e zongmae'ae, zongmaehael gilzuqmyel suqqyel qiq hhaeq'ae.