Gailminl qyel mael
Shen 5:1-21
20
Momil saeziq xihael moqheilheil, gee: 2 "Ngael laoq noq e Momil Yeheqhuaq lil, noq yaol Aijiq milcaeq vae yaqhacheqzaq e cholyaeq e laoqhaol ae'lye sheeq duyi gol biq lil.3 "Ngaeq'ae maoqlaol nol baeqjyelboq e momilhael'ae maeq hhae heel'ae.
4 "Aeqyoyoq'ae momilhael maq hha taqduzaq'ae, kaol mqmae taq'ae, milcaeq taq'ae, milcaeq holhhaq, kaol eelcuq onglci e halza haelzhol laoqmyel dul lael aeqmyel momilhael, qiqgiq eiq maeq hhae zongldu'ae. 5 Nol aqlaq maellye zongldu hhei e tyuhael'ae qiqzael eiq maeq hhae tongqheel'ae, yoqhhaeteel vae eiq maeq hhae fuqsil'ae, ngael noq e Momil Yeheqhuaq laoq heiqcilnael e Momil kaollil. Ngaeq'ae neemasu zaq hael laoq, ngael yoqhhaeteel e golsiq mael'ae aeqdae ae'lye mael yaqyo'ae, kaol sul cheq yuq cheq'ae keellye chenqfaq biq maoq; 6 Ngaeq'ae gaeq laeq, kaol ngaeq e gailminl mael naelhaeq laol, ngael aeqdilmyel yoqhhaeteel'ae hae qiq cheq e cholyaeqhael vae eiq neemae maeqpaelmyel gaeq biq maoq.
7 "Noq e Momil Yeheqhuaq e cholmil mael yiqzenlmyel maq hha mul'ae, Yeheqhuaq e cholmil mael yiqzenlmyel mul e cholyaeq'ae laoq, Yeheqhuaq yoqhhaeq'ae golsiq za'ae lye gee biq maoqlye hhae.
8 "Anxiqriq mael'ae nyuqdeel maoqhhae, kaol senljyeq naohaeq mael gol maoqhhae. 9 Koq nao laoq duqhee'lye mulhhael mul maoqhhae, 10 Ngeelfeiq, dilqiq tian laoq noq e Momil Yeheqhuaq'ae anxiqriq gol biq maoqhhae. Xi qiq nao nol, noq e yaeqmiq yaqyo, yaqhacheqzaq e cholyaeq, yaqhacheqzaq e haeqmiyaeq, jyeqyaeq kaol noq e milmae heeqmyel vae baelzhol lael e cholyaeqhael, gilzuqmyel qiqgiq mulhhael maq hha mul'ae. 11 Koq nao onglci'ae, Yeheqhuaq mqmae, milcaeq, kaol eeldeel deelmae e halza haelzholhael zonglbeibei du hhei, dilqiq tian'ae hhaeqnaeqnaeq vae; tyulkaol, Yeheqhuaq anxiqriq'ae geeqlongq biq biq, kaol senljyeq naohaeq geiq maoqhhae.
12 "Aeqdae aeqmae vae xiaolshunl biq maoqhhae, kaol noq e naohaeq mael noq e Momil Yeheqhuaq lye noq'ae biq hhei biq e milcaeq taq'ae maolgael myel hhae zhol'ae.
13 "Cholyaeq maq hha xyeq'ae.
14 "Ochoq nyegael neemae maq hha ba'ae.
15 "Lolbiq maeq hhae haoq'ae.
16 "Jaq e zoqzenl maellye
noq e yelchoq'ae hail biq e silqinq maeq hhae zongl'ae.
17 "Noq e yelchoq e laoqhaol mael, zhee mulgoq yae lye maeq hhae nyuq'ae; noq e yelchoq e haeqmiq, yaqhacheqzaq e cholyaeq, yaqhacheqzaq e haeqmiyaeq, aeqnuq, mao'lyu kaol yoqhhaeq e halzahael zhee mulgoq yae lye, maeq hhae zongl'ae."
Cholyaeqhael guaeq'ei gu gil biq
Shen 5:22-23
18 Cholyaeqhael mqziqziq kaol vuqkyul e botyel gaeq hhei biq, mqmiqmiq kaol geeqzhoq vae aeqhaoq byuq da mol hhei biq, cholyaeqhael mol hhei gil biq laol saeqzuqzuq li gil biq'ae, kaol gaelmaolsae'lye haoqtul deelhhei. 19 Kaol yoqhhaeteel Moxi'ae gee biq: "Nol ngaeteel'ae saeziq gee laeq, ngaeteel naelhaeq hhaeq; Momil yaol ngaeteel'ae saeziq haeq bi gee'naeq laeq, aeqgael ngaeteel hhae sil maeqhe." 20 Moxi cholyaeqhael'ae gee biq: "Maq gu gil kael; Momil loq gayi mael laoq, noteel'ae shilfu maoqlye hhae, noteel haeqfu eiq yoqhhaeq'ae zun eiq zunjinl gu eiq gu myel laol, golsiq maeq zonglpizaeq wae lye kaol'ae." 21 Tyulkaol, cholyaeqhael gaelmaolsae'lye haoqtul deelhhei, ngeelfeiq, Moxi laoq Momil zhol e nahongqlye vae niqli hhae.
Jiltanq e tiaoqlil mael
22 Yeheqhuaq Moxi'ae gee biq: "Nol Yiqsellyel cholyaeqhael'ae xilnye gee biq maoqhhae: 'Noteel aeqyoyoq laoq ngael mqmae ae'lye noteel'ae saeziq gee biq mael mol vae. 23 Noteel ngaeq'ae maoqlaol baeqjyelboq e momilhael'ae maeq hhae heel'ae, kaol aeqyoyoq'ae pulziq pulsheel maellye momilhael maeq hhae zongldu zaq'ae. 24 Nol ngaeq'ae milcaeq maellye jiltanq qiq mal zongl hhei laeq maoqhhae, tyuq vae holtaq'ae aeqnuq aqciq heelda hhei, kaol Pebyel Zaelheel kaol Neesaelhhae Zaelheel geiq. Ngaeq lye cholyaeq yaol ngaeq e cholmil mael bi nyuqdeel e milcaeqhael vae, ngael tyuqvae keellael kaol noq'ae geeqlongq biq laqngeel. 25 Nol ngaeq'ae haqlo maellye jiltanq qiq mal zongl laeq ngeel lye kaollaoq, taq gol e haqlo maq hha mul'ae, nol haqlo mael'ae gongjul maellye taq gol kaollaoq, jiltanq mael maeqshol myel zonglpeq vae. 26 Nol dazul maellye ngaeq e jiltanq mael'ae maq hha da'li'ae, aeqgael noq e aq'oqboq e saqdol lal aeqmyel mael mol du'lal maeqhe.'"