Moxi e changlgo mael
15
Tyuqfu, Moxi kaol Yiqsellyel cholyaeqhael Yeheqhuaq'ae changlgo xilmael changl gil biq, gee:"Ngael Yeheqhuaq'ae changlgo changl biq maoq,
yoqhhaeq zonglyinq byel vae,
aeqmaoq, kaol aeqmaoq ziq e hael yaol,
eeldeel deelmae vae beiqdo biq kaol'ae.
2 Yeheqhuaq laoq ngaeq e aqha'ae, ngaeq e shigo'ae,
yoqhhaeq eiq ngaeq'ae jiul laeq e qiq hhaeq peqlal.
Xitaeq laoq ngaeq e Momil'ae,
ngael yoqhhaeq'ae laqma deiqqei biq maoq;
ngaedae e Momil, ngael yoqhhaeq'ae baqqei biq maoq.
3 Yeheqhuaq laoq dangbinkei e cholyaeq'ae;
Yeheqhuaq laoq Momil e cholmil'ae.
4 "Faqlaoq e daqzhangldiq e cheziq,
kaol junduilhael yaol yoqhhaeq lye,
eeldeel deelmae vae beiqdo biq vae;
kaol Faqlaoq e hhael henq e daqzhangldiq e yoheeqhael,
gilzuqmyel Hongqhaiq vae neqdo ga hhei vae.
5 Naq e eelcuq lye yoqhhaeteel yaol naqvuq biq;
yoqhhaeteel laoq haqlo mael naq e eelcuq vae leeqdo yil laoqmyel hhae.
6 Yeheqhuaq o, noq e laqsseq mael onglzaeq kaol rongqyaol za'ae;
Yeheqhuaq o, noq e laqsseq lye diqrenq yaol beiqxul biq.
7 Nol zhee onglzaeq e laqtaq mael zongl mol du hhei vae,
kaol noq e diqrenqhael yaol zonglmye gil biq;
nol faqhoq guaeq'ei kei tullaeq laol yoqhhaeteel yaol
zaelsiq e aelkongq laoqmyel meqdo biq vae.
8 Noq e naelbyu onglci e saeq'ol gae'lye,
eelcuq mael yul gongq da hhei,
kaol zhee naq e eelcuq mael congqciq laoqmyel haoqtul lael,
'Ngael yoqhhaeteel'ae lyeqli kaol lyeqmil li maoq,
ngael diqkoq laeq mael byelzaeq maoq,
ngaeq e neemae mael yoqhhaeteel gae'lye
neezae bi lael maoq,
ngael maejyel eedu hheikaol ngaeq e aqlaq maellye,
yoqhhaeteel yaol zonglmye biq maoq.'
10 Nol zaeqxila maellye zhoq bo hhei'laol,
eeldeel deelmae lye yoqhhaeteel yaol naqvuq biq vae;
yoqhhaeteel qianba mael zhee naq e eelcuq onglci'ae
loq gayil laoqmyel hhae.
11 "Yeheqhuaq o, momilhael onglci'ae,
aeqsul nol laoqmyel dul laeq?
Nol laoq hhael senljyeq jyeqli hhael onglzaeq zaeqli,
laqma deiqqei mael eiq zae'ae,
cholyaeqhael'ae bi gu li
kaol maeqdaeqhhaeq e silqinq zongldu ongl,
aeqsul nol laoqmyel xilnye dul laeq?
12 Nol laqsseq mael tyuqdu hhei'laol,
milcaeq lye yoqhhaeteel yaol meqdo biq.
13 "Nol laoq neemae maeqpaelmyel gaeq maellye,
noq lye jiul du hhei e
cholyaeqhael'ae sheeqmyeq biq;
nol onglzaeq maellye yoqhhaeteel yaol,
noq e senlsoq vae sheeqmyeq keelli biq.
14 Haelnaeq naeqmaemyel cholyaeqhael gaeq hhei biq laol,
saeqzuqzuq gil biq;
nael mael lye Fei'lilshil vae zhol e cholyaeqhael yaol eetyeq biq.
15 Tyuqfu, Yiqdong minqcuq e yoheeq gu biq,
Moqya e sheeqmyeqzaeq e cholyaeq yaol
gu mael lye bi eetyeq hhei,
Ja'nanq vae haelzhol cholyaeqhael e neemae mael
eiqhaeqlye haeqgae biq.
16 Gusil maoqmyel gu mael yoqhhaeteel'ae yo'li biq'ae;
Yeheqhuaq o, noq e laeqdu e onglzaeq gae'lye,
yoqhhaeteel haqlo laoqmyel aqni maqni'ae,
noq e cholyaeqhael yaol
gol yil biq lye doq deelhhei,
noq lye suq duhoq hhei e
cholyaeqhael gol yil biq lye doq deelhhei.
17 Nol laoq yoqhhaeteel yaol sheeq do'li maoqlye hhae,
kaol noq e zaeqdye halngeiq e geeqzhoq taq'ae til do hhei,
Yeheqhuaq o, nol aeqyoyoq gae'lye zongldu hhei e zholhhael mael ngeelvae,
Hhaoqsongl o, noq e aqlaq maellye cutul hhei e senlsoq mael ngeelvae.
18 Yeheqhuaq laoq haeqfu keellye zongmae geiq hhae!"
19 Faqlaoq e aeqmaoq, daqzhangldiq e cheziq kaol daqzhangldiq e yoheeqhael eeldeel deelmae onglci vae gae keelyil laol, Yeheqhuaq lye eeldeel deelmae eelcuq mael yoqhhaeteel e aeqhhaol taq'ae bi yul'eeq laeq; ngeelfeiq, Yiqsellyel cholyaeqhael laoq eeldeel deelmae onglci e milgee vae deel hhae.
Miqlil'anl e changlgo mael
20 Tyuqfu, Yallunq e aelbae Miqlil'anl haeqmiyaeq xianzhi e aqlaq'ae heeqdeeq deeqyaeq heil hhei; cholhae aeqmaehael eiq yoqhhaeq nyegael duyil kaol heeqdeeq diq, yinqjildil gil hhae. 21 Miqlil'anl yoqhhaeteel'ae geehoq biq:
"Noteel Yeheqhuaq'ae changlgo changl biq maoqhhae,
yoqhhaeq lye diq yinq hhei vae,
aeqmaoq kaol aeqmaoq ziq e cholyaeqhael yaol,
eeldeel deelmae vae beiqdo biq vae."
Haeqjyeqlye eelcuq mael chilzu'lye bi peqlal
22 Moxi Yiqsellyel cholyaeqhael yaol sheeq hheikaol Hongqhaiq ae'lye deelsae hheikaol deel vae, kaol Su'eq e diqsheelleeldye vae keellael, kaol diqsheelleeldye vae suq nao deel aeqwae, eelcuq maeq saelpopuq hhei ongl biq'ae. 23 Kaol Maqla'ae keellael, ngeelfeiq, yoqhhaeteel Maqla e eelcuq mael maeq hhae dol hhei biq'ae, eelcuq mael haeqjyeqlye kaol'ae; tyulkaol, tyuqvae milcaeq'ae Maqla lye gul hhae. 24 Cholyaeqhael Moxi'ae meel gil biq, gee: "Ngaeteel aeqchee dol laeq?" 25 Moxi Yeheqhuaq'ae gul gae'lael aeqmyel geezaeq biq, Yeheqhuaq yoqhhaeq'ae aelbol qiq bol tyuqfu hhei biq. Kaol yoqhhaeq lye aelbol mael eelcuq vae beiqdo hhei, kaol eelcuq mael chilzu'lye peqlal vae.
Yeheqhuaq tyuqvae lye yoqhhaeteel'ae tiaoqlil, kaol faqdianq mael gee deelhhei biq, kaol tyuqvae lye yoqhhaeteel'ae shilfu biq hhae. 26 Yoqhhaeq gee: "Nol haelmeeqlye noq e Momil Yeheqhuaq e saeziq mael naelhaeq, kaol nol yoqhhaeq e ma'ne onglci'ae lye hoq mael zongl maoqhhae, kaol naeqbol maellye yoqhhaeq moqheilheil mael naelhaeq maoqhhae, kaol ngaeq e gilzuqmyel tiaoqlil mael zongl gaeyil laol, ngael Aijiq cholyaeq'ae bi yo'li e naelgol mael noq e aeqhhaol taq'ae maeq bi yo'lael yil, ngael laoq noq'ae zonglmeeq biq e Yeheqhuaq kaollil."
27 Yoqhhaeteel Yiqlinq vae keellael, tyuqvae eelbi qyelniq gael za'ae, congqzheel siqqyel bol dyeq'ae; kaol yoqhhaeteel tyuqvae e eelbi dongqpyeq'ae haqhhael diqkaeq hhei gil vae.