जाकूब
चो चिटी
आगे एके पढ़ा
जाकूब आपलो चिटी के संवसार ने गुलाय बाटे रतो महापरभु चो लोगमन काजे लिखलोसे आउर हुनमन चो चलनी-बुलनी काजे बले हुकुम दिलोसे। किरिस्तीमन के नंगत बेबार आउर चलनी-बुलनी चो गियान सिखातो काजे संवसार चो तीजमन के कटार करुन सांगेसे। जुगे करुन सवकार, गरीब, जचई, नंगत चलनी-बुलनी, पतेयातो संगे बुता, लड़ई-झगड़ा, गुमान, दुसर के बदी देतोर, ढोंग दखातोर आउर पारथना करतो बारे ने सांगेसे।
ए चिटी ने किरिस्तीमन के सोजे पतेयातोर ची नाई, मानतर हुनचो संगे-संगे बुता करतो काजे बले सांगेसे।