पतरस
चो पईल चिटी
आगे एके पढ़ा
पतरस ए चिटी के एसिया खंड ने जत-खत रतो किरिस्तीमन काजे लिखलोसे, जोन किरिस्त के पतेयातो किरता खुबे डाटा-टेवा सहते रओत। पतरस हुनमन के सूरता करायसे कि किरिस्त बाटले नवा जीवना चो बर पावतोर हुनमन चो भाग आय। जीसु किरिस्त के जानलो किरता हुनमन उपरे डंड-तकलीस ईलोने नी भक्यातोर आय, मानतर संवसार ने असन दुख-डंड एउआय बलुन जानतोर आय, आउर उसनी तकलीस बेरा महापरभु उपरे भोरसा करुन दुख-डंड ले जुजतो काजे अमदेया तियार रतोर आय। गोटोक-दुसर संगे नंगत बेबार करुन जीसु किरिस्त चो बाट ने चलतो काजे पतरस हुनमन के उकसायसे। असनी करते रलोने, महापरभु ले बड़े इनाम पावदे।