इबरानीमन
काजे चिटी
आगे एके पढ़ा
ए चिटी इबरानीमन काजे लिखुन रये, जोनमन डाटा-टेवा किरता किरिस्ती बिसवास के छांडतो काजे होते रओत। लिखतो बीता हुनमन के आपलो बिसवास के नी छांडतो काजे समजायसे कि जीसु किरिस्त ची महापरभु चो असली आउर आखरी दरसन आय। एईकाजे हुन तीनठन सत गोटमन ने जोर देयसे। (1) जीसु किरिस्त ची महापरभु चो बेटा आय, जोन डंड पाउन-पाउन हुकुम मानुक सीखलो। महापरभु चो बेटा चो रूप ने जीसु, जुना नियम चो अगमजानीमन, सरगदूतमन आउर मोसा ले बले बड़े आय। (2) जीसु के महापरभु जुग-जुग चो बड़े पुजारी बनालोसे, जोन जुना नियम चो बड़े पुजारीमन ले बले बड़े आय। (3) जीसु बड़े पुजारी चो हिसाब ने सत मुक्ति देयसे। जीसु के पतेयातो लोग पाप, डर आउर मोरना ले बाचलासे। जहूदी धरम चो धरम नीतीमन आउर पसु जतरा बाटले लोगमन सोजे पाप चो सूरता करसोत। इसराएलिमन चो मंजी, बिसवास ने नाव कमालो कोनी-कोनी लोगमन चो कटावमन लिखते, पउलुस आपलो चिटी पढ़तो लोगमन के बिसवास करते रतो काजे गुहार करेसे। अध्या 12 ने हुन, लोगमन के सरासरी होओतले बिसवास करते रतो काजे, जीसु चो भर ने रतो काजे आउर डंड-दुख ईले, धीरजा ले सहतो काजे गुहारेसे।