फिलेमोन
काजे पठालो-बीता पउलुस चो चिटी
आगे एके पढ़ा
ए चिटी के पउलुस, फिलेमोन काजे लिखलोसे। फिलेमोन कुलुसी मंडली चो गोटोक पक्का किरिस्ती रये। हुनचो गोटोक उनेसिमुस नाव चो कमेया रये, हुन कमेया आपलो मालिक चो धन-माल के चोरुन रोम राज बाटे परालो। हुता जयल घरे हुन पउलुस के भेटलो। हुनचेई किरता उनेसिमुस किरिस्ती बनलो। मानतर पउलुस बिचार करलो कि उनेसिमुस आपलो करलो बुता काजे खेमा मांगो।
ए चिटी ने पउलुस, फिलेमोन के गुहारलो कि हुन, उनेसिमुस के चोर नोहले कमेया असन नाई, मानतर किरिस्त ने आपलो भाई असन मया करो। सरासरी ने आपलो सपाय मीतमन बाटले आउर आपलो बाटले जुहार बलेसे।