तीतुस
काजे पठालो-बीता पउलुस चो चिटी
आगे एके पढ़ा
तीतुस नाव चो चिटी, पउलुस आपलो जुवान संगवारी तीतुस के लिखुन रये। तीतुस बिजाती रये। तीतुस चो बारे ने पईल हार नवा नियम चो गलाती 2:1 ने लिखलोर आसे। हुन, पउलुस ले जीसु किरिस्त चो नंगत खबर सुनुन पतेयाउन मुक्ति पावलो आउर नंगत खबर सुनातोने हुनचो संगवारी होलो। करेते सहर चो किरिस्ती मंडली चो लोगमन के बिसवास ने चमकट करतो काजे पउलुस हुनके हुताय छांडुन रये। पउलुस, तीतुस के कुरिंथी चो मंडली ने बले हुताय चो लोगमन के बिसवास ने चमकट करतो काजे पठाउ रये।
ए चिटी ने तीन सिखानी गोटमन आसे: (1) धरम-सियानमन चो चलनी-बुलनी। (2) सियान आउर जुवान बायले-मनुक आउर कमेयामन काजे सिखानी गोट। (3) तीतुस काजे किरिस्ती जीवना चो बारे ने सिखानी गोट।