थिसलुनीके चो मंडली
काजे पठालो-बीता पउलुस चो पईल चिटी
आगे एके पढ़ा
रोम देस चो मकिदुनिया राज चो राजधानी थिसलुनीके सहर आय। फिलिपी सहर ले ईलो पाछे पउलुस एथा बले गोटोक मंडली बनाउ रये। एथा बले जहूदीमन कुचर होउक मुरियाला, कसनबलले बिजातीमन बले किरिस्ती बिसवास ने एते रओत। तेबे पउलुस थिसलुनीके सहर चो मंडली के छांडुन बिरीया सहर ने गेलो। हुन थान ले पउलुस कुरिंथी सहर ने ईलोके, हुनचो संगे सेवा-बुता करु संगवारी तीमुथियुस हुनके भेटलो आउर थिसलुनीके चो मंडली चो सपाय खबर सांगलो।
ए खबर के सुनुन पउलुस, थिसलुनीके चो मंडली के पईल चिटी लिखुन हुनमन के बिसवास ने चमकट रतो काजे उकसायसे; आउर हुनमन चो मया आउर बिसवास काजे महापरभु के धन-धन करेसे। पउलुस, हुनमन संगे रलो बेरा चो नंगत जीवना के सूरता करायसे; आउर हुनमन चो एई गोटमन चो उत्तर देयसे कि जीसु किरिस्त फेर केबे एउआय? हुनचो ईलो ले आगे आमी मरु रले, सरग राज चो बाटा पाउंदे कि नाई?