थिसलुनीके चो मंडली
काजे पठालो-बीता पउलुस चो दुसर चिटी
आगे एके पढ़ा
थिसलुनीके चो मंडली काजे लिखलो दुसर चिटी ने पउलुस, हुनमन के डाटा-टेवा करुमन के महापरभु आपलो नियाव चो दिने, सत-नियाव करेदे बलुन समजायसे। कसनबलले फंदी गुरुमन, परभु चो दिन अमरलीसे बलुन सिखाते रओत। पउलुस, हुनीमन के उकसायसे कि मुक्ति पावतो काजे आउर किरिस्त चो मयमा चो भागी होतो काजे महापरभु तुमके बाछलोसे। एईकाजे तुमी, बिसवास ने चमकट राहा। महापरभु चो हागदिलो हिसाब ले किरिस्ती जीवना जीवतो काजे, महापरभु हुनमन के साका होओ बलते पउलुस पारथना बले करेसे। भलई बुता आउर खुबे मसागत बले करते ची रतोर आय बलुन पउलुस हुनमन के समजायसे।