फिलिपी चो मंडली
काजे पठालो-बीता पउलुस चो चिटी
आगे एके पढ़ा
पउलुस ए चिटी के जुरोप खंड चो पईल मंडली जोन फिलिपी सहर ने आसे, हुनचो काजे लिखुन रये। ए मंडली रोम देस चो मकिदुनिया राज ने रये। पउलुस जयल घरे रलो बेरा ए चिटी लिखुन रलो। आपलेई संगे सेवा-बुता करतो किरिस्तीमन पउलुस चो बिरुद करुन फिलिपी चो मंडली ने फंद सिखिया सिखाते रओत। एई किरता पउलुस फिकिर करते रये।
एई चिटी बाटले पउलुस, आपलो घटी बेरा फिलिपी मंडली चो लोग दिलो दान काजे हुनमन के धन-धन करेसे आउर सूरता करायसे कि जमाय तकलीस बेरा ढाढ़ुस ले महापरभु के भोरसा करते राहा। लालची आउर गुमानी बुता के छांडुन जीसु किरिस्त असन सोज होआ आउर हुनमन चो जीवना महापरभु चो दिलो बर आय, जेके जहूदी नीती-नियम ले नाई, मानतर जीसु किरिस्त के पतेयातो बाटले पावलासाहास। ए चिटी ले जानुक होयसे कि पउलुस हुनमन के खुबे मया करते रये।