इफिसुस चो मंडली
काजे पठालो-बीता पउलुस चो चिटी
आगे एके पढ़ा
पठालो-बीता पउलुस रोम देस चो जयल घरे रलो बेरा, इफिसुस चो मंडली काजे चिटी लिखुन रये। इफिसुस एबे चो तुरकी देस चो बेर बुड़ती बाटे चो बड़े सहर आउर पानी-जाहाजमन चो घाट बले आय। आगे ए एसिया खंड चो गोटोक भाग रली। हुता चो लोग मूरत सेवा करते रओत, मानतर पउलुस ले नंगत खबर के सुनुन मन बोहड़ाला।
ए चिटी के पउलुस, एईकाजे लिखुन रलो कि महापरभु चो उआट हिसाब ने जोन बले सरग आउर मंजपुर ने आसोत सपाय के किरिस्त ने गोटकी करो। (1:10) पउलुस हुनमन के गुहारेसे कि हुनमन किरिस्त ने गोटकी सोर ने आसोत बलुन आपलो जीवना ले दखा देओ। पवितर लोग किरिस्त ने गोटकी सोर ने आसोत बलुन समजातो काजे पउलुस आउर-आउर तीजमन ले कटारुन सांगेसे, जसन: मंडली, देहें आय आउर किरिस्त, हुनचो मुंडी आय; घर चो मुंडी-पकना किरिस्त आय; मंडली, गोटोक बायले असन आय जेचो मनुक नोहले मुंडी किरिस्त आय।