गलाती चो मंडली
काजे पठालो-बीता पउलुस चो चिटी
आगे एके पढ़ा
जेबे जीसु चो नंगत खबर गुलाय बाटे बिगरुक मुरियाली, तेबे कोनी-कोनी असन पूछला, पक्का किरिस्ती होतो काजे मोसा चो नियम-कानुन मानतोर आय कि नाई? तेबे पउलुस बललो, पक्का किरिस्ती होतो काजे सोजे पतेयातोर ची आय। पतेयाले ची महापरभु संगे लोग चो नाता नंगत होयसे। मानतर ए गोटमन के एसिया खंड चो रोमी परघन आउर गलाती मंडली चो लोगमन बिरुद करला। हुनमन असन बलला कि महापरभु संगे नंगत नाता संगातो काजे मोसा चो नियम-कानुन के मानुक पड़ेदे।
पउलुस ए चिटी के एईकाजे लिखलो कि जोन लोग असन सिखियामन ने भुलकलासोत, हुनमन महापरभु चो बिसवास ने फेर एओत।