कुरिंथी चो मंडली
काजे पठालो-बीता पउलुस चो दुसर चिटी
आगे एके पढ़ा
कुरिंथी चो मंडली काजे पउलुस लिखलो पईल चिटी के फंदी गुरुमन आउर मंडली चो लोग बिरुद करलो किरता हुन ए दुसर चिटी लिखलो।
ए चिटी ने पउलुस, हुता चो मंडली संगे आपलो नाता चो बारे ने सांगते समजायसे कि हुन हुता चो मंडली के काय काजे रीस होलो। फेर आपन हरिक होते सांगेसे कि हुनचो रीस होलो किरता हुनमन खिसियाला आउर हुनचो संगे मिला-मिसा होला।
ए चिटी चो सरासरी ने पउलुस, आपने के महापरभु बाछुन पठालो-बीता होतो गोट के पक्का करलो आउर हुन फंदी पठालो-लोग जोन आपने के पठालो-लोग मानते रओत, दागा दिलो।