हुकुम मानतोर
3
तेबे जहोवा चो बचन दुसर हार जोना लगे अमरली, 2 “उठुन हुन बड़े सहर नीनवे ने जा, आउर जोन गोट मय तुके सांगेंसे, हुन गोट के हुता जाउन सांग।” 3 तेबे जोना, महापरभु जहोवा चो बचन असन नीनवे ने गेलो। नीनवे गोटोक खुबे बड़े सहर रये, हुन सहर ने बुलतो काजे तीन दिन लागते रये। 4 जोना, हुन सहर ने गोटोक दिन चो बाट सारुन सांगुक मुरियालो, “एबे ले धरुन दुय कोड़ी दिन पाछे नीनवे सहर के महापरभु सत्यानास करेदे।” 5 तेबे नीनवे चो लोगमन महापरभु चो गोट के पतेयाला; आउर उपास धरतो गोट सांगते गेला, आउर पिला ले धरुन सियान, जमाय लोगमन पोता ओड़ु रओत*।6 तेबे ए गोट नीनवे चो राजा लगे अमरली; आउर हुन राजगादी ले उतरुन भाति आपलो पींदा-वाड़ा* के निकराउन पोता ओड़लो, आउर लाकड़ी ने बसलो। 7 राजा आपलो मंतरीमन ले सलाह धरुन नीनवे सहर ने असन हुकुम देतो डोंडी पेटालो: “कोनी लोगमन, गाय-बयला, छेरी-बोकड़ीमन आउर दुसर जनावरमन चो गोहड़ी बले काई नी खाओत; कोनी बले काई नी खाओत आउर पानी बले नी खाओत। 8 मनुक आउर जनावर दुनो पोता ओड़ोत आउर गोटकी मन होउन महापरभु ले गुहारोत; आउर आपलो अडरा बुतामन आउर उबढंगरी बुतामन के छांडोत। 9 तेबे असन होउक सके, महापरभु आमके नास करतो बिचार के छांडो, आउर हुनचो बाय-बिकाल रीस सितर होओ।”
10 जिदलदांय महापरभु दखलो कि हुनमन खिसियाला आउर अडरा बुता करुक छांडला, तेबे हुनमन के नोकसान करतो बिचार के छांडलो।