आमोस
आगे एके पढ़ा
आमोस नानी अगमजानीमन ले गोटोक आय, जेचो बारे ने पवितर सास्तर ने लिखलोर आसे। हुन जहूदा चो तकोआ गांव ने रते रये। हुन छेरी-मेंडीमन के चराते आउर डुमर रूकमन चो दखा-राखा करते रये। मानतर महापरभु हुनके इसराएलिमन चो बिरुद अगमगोटमन सांगतो काजे बाछलो आउर हुनके इसराएल चो संद लग चो देसमन ने पठालो।
जहूदा चो राजा उज्जिया आउर इसराएल चो राजा जरोबाम चो समया ने आमोस अगमगोट सांगलो। जरोबाम, राज करतो बेरा लोगमन अस्तिर ने रला आउर हुनमन लगे खुबे धन-माल रये। मानतर धारनिक बुतामन के भूलकुन लोगमन सत्यानास होतो बाट धरला।
ए किताप ने आठ ठन अगमगोटमन आउर पांच ठन दरसन चो गोटमन आसे। आमोस बलेसे, सत-नियाव के पजरा-पानी असन बोहुक दियास आउर जहोवा, जूसुफ कुटुम चो बाचलो लोगमन उपरे जीव-दुखो।