नीतिबचन
आगे एके पढ़ा
ए नीतिबचन चो किताप ने गियान आउर धरम चो सिखियामन के धंधा असन लिखलासे। एमन ने जुगे करुन रोजे करतो बेबार चो बारे ने आसे। किताप चो मूर ने सांगेसे, “परभु के डरुन चलतोर बुद चो मूर आय।” हुनचो पाछे एता गियान, नंगत बेबार आउर सोज रतो चो बारे ने बावरलोर आसे।
बुद बीता मनुक हुनी आय जेचो ने चिपा बेरा बले आपलो बुता के सरतो ढाढ़ुस रउआय। कोनी कोनी बचन ने, घर-कुटुम, काम-बुता, दिया-ठोआ आउर संगवारीमन चो बारे ने सांगलोर आसे। धीरजा धरतो, बिचारुन गोटेयातो, आउर मसागत करतो चो बारे ने बले सांगेसे।
बुद खुदे सोज लोगमन के गियान देतो काजे हागदेयसे, आउर हुनमन के मूरक होतोले बाचतो काजे सांगेसे। ए किताप के इसराएल चो राजा दाउद चो बेटा सुलेमान राजा लिखलो। किताप चो सरासरी ने बुद बिती बायले चो बड़ाई करलोर आसे।