महापरभु चो जय-जय करा
150
जहोवा चो जय-जय करा!महापरभु चो पवितर ठान ने हुनचो जय-जय करा;
सकत ले भोरलो बादरी ने हुनचो जय-जय करा!
2 हुनचो करलो बड़े-बड़े सकत बुतामन किरता हुनचो जय-जय करा;
हुनचो खुबे बड़ाई किरता हुनचो जय-जय करा!
3 तोड़ी फूकुन हुनचो जय-जय करा;
किंदरी बाजा आउर सारंगी बजाउन हुनचो जय-जय करा!
4 डफली बजाउन आउर नाचुन हुनचो जय-जय करा;
तार बिती बाजा आउर बांवसी बजाउन हुनचो जय-जय करा!
5 हरिक ले घिनी बजाउन हुनचो जय-जय करा;
खुबे बाजतो घिनी बजाउन हुनचो जय-जय करा!
6 सपाय जीवमन जहोवा चो जय-जय करोत!
जहोवा चो जय-जय करा!