एसतेर
चो कहनी
आगे एके पढ़ा
एसतेर चो किताप गोटोक जहूदी लेकी चो बारे ने आय, जोन आपलो जीव चो फिकिर नी करुन ढाढ़ुस आउर बुद ले आपलो इसराएली भाई-बईनमन चो जीव के बचाली। ए किताप के लिखु बीता चो नाव तो नी लिखलासे, मानतर कोनी जहूदी चे ए किताप के लिखलो असन लागेसे, खुबे लोग चो बिचार आय कि मोरदके ए किताप के लिखलोसे। ए किताप ने महापरभु, पारथना, आराधना आउर जरूसलेम चो बारे ने मुरे लिखलोर नीआय। मानतर जोन गोटमन जहूदीमन संगे होली (इ.पू 438-471) हुनचो ले ए पक्का जानुक होयसे, महापरभु आड़े रउन अमदेया जहूदीमन चो साहरा करते रये।
ए किताप, पूरीम नाव चो गोटोक जहूदी तिहार चो बारे ने सांगेसे। ए तिहार छयरस राजा बेरा एसतेर बाटले जहूदीमन के बचालो हरिक काजे मनायसोत आउर एबे बले सपाय जहूदीमन एके मनायसोत।