साहरा काजे पारथना
मसकिल दीस ने दाउद चो पारथना, जेबे हुन करपन ने लुकुन रये।
142
मय जहोवा पुरे गाग-गगरीही होयंसे,आउर मोके जीव-दुखतो काजे जहोवा के चिचियाउन गुहारेंसे।
2 मय आपलो करलानी के हुनचो पुरे सांगेंसे,
आउर आपलो दुख-तकलीस चो बारे ने हुनके बलेंसे।
3 जिदलदांय मोचो जीव भीतर ले डाहाल-बिकाल होते रये,
हुदलदांय तुय मोचो हाल के जानते रयीस।
जोन बाट ले मोके जातोर रली,
हुनी बाटे हुनमन फांदा मंडाउन रला।
4 मय उजा बाटे दखले,
मानतर मोके कोनी धियान नी देओत;
मोके सरन देतो लोग कोनी नीआत,
कोनी मोचो फिकिर नी करोत।
5 ए जहोवा, मय तुके गुहारले;
मय बलले, “तुय मोके सरन देउ आस,
जीवता जीव भर तुय मोचो बाटा आस।”
6 ए जहोवा, मोचो गाग-गगरीही के सुन,
कसनबलले मय खुबे नानागती होलेसे।
मोके डाटा-टेवा करुमन ले बचाव;
कसनबलले हुनमन मोचो ले आगर बलेयारमन आत।
7 हुनमन चो फांदा ले मोके निकराव
कि तुचो नाव चो धन-धन करुक होओ।
धरमकारीमन मोचो भोंवरक रूंडा होदे;
कसनबलले तुय मोचो भलई करसे।