जरूसलेम नास होलो किरता करलानी गीत
137
आमी बेबीलोन चो नंदीमन खंडे बसुनसियोन (सियोन के जरूसलेम बले बलुआत) के सूरता करुन गागलु।
2 हुता चो बेत* रूकमन ने,
आमी आमचो सारंगी बाजामन के ओरालु।
3 कसनबलले आमके कयदी बनालो लोग बलला,
“गीत गाउन आमके हरिक करा,”
आउर आमके डाटा-टेवा करतो लोग बलला,
“आमके सियोन चो गीतमन गाउन सुनाहा!”
4 जहोवा चो गीत के परदेस ने
आमी कसन ने गाउंदे?
5 ए जरूसलेम मय तुके भुलकले जाले,
मोचो उजा हाथ सुको!
6 मय तुके सूरता नी करले जाले
आउर जरूसलेम के छांडुन
दुसर काई तीज ने आगर हरिक होले जाले
मोचो जीब तारु ने लटको!
7 ए जहोवा, एदोमीमन, जरूसलेम चो बिरुद
करलो दिन के सूरता कर,
हुनमन असन बलते रओत, “भोसड़ाहा! भोसड़ाहा!
हुनचो पाया बले नी बाचो!”
8 ए बेबीलोन सहर,* तुय नास होउआस बे!
जसन अडरा बेबार तुय आमचो संगे करलीस
उसने बेबार जोन तुचो संगे करदे, हुनमन धन-धन होदे!
9 जोन तुचो पिलामन के सिलपट ने कचाड़दे
हुनमन धन-धन होदे!