सत-मया काजे जहोवा चो धन-धन करतोर
ए भजन के मंदिर ने फसह परब बेरा गाओत
136
जहोवा चो धन-धन करा, कसनबलले हुन नंगत आय,*हुनचो सत-मया अमदेया काजे आय।*
2 महापरभु चो धन-धन करा, हुन सपाय देव-धामीमन ले बड़े आय,
हुनचो सत-मया अमदेया काजे आय।
3 परभु चो धन-धन करा, हुन सपाय परभुमन ले बड़े परभु आय,
हुनचो सत-मया अमदेया काजे आय।
4 हुनके छांडुन असन बड़े-बड़े अचरित बुतामन आउर कोनी नी करोत,
हुनचो सत-मया अमदेया काजे आय;
5 हुन, आपलेई बुद ले बादरी बनालो,
हुनचो सत-मया अमदेया काजे आय;
6 हुन, मंजपुर के पानी उपरे चमकट मंडालो,
हुनचो सत-मया अमदेया काजे आय;
7 हुन, बड़े-बड़े उजरमन बनालो,
हुनचो सत-मया अमदेया काजे आय;
8 मंजन उपरे राज करतो काजे बेर बनालो,
हुनचो सत-मया अमदेया काजे आय;
9 रात उपरे राज करतो काजे जोन आउर तारामन के बनालो,
हुनचो सत-मया अमदेया काजे आय।
10 हुन, मिसर देस् चो सपाय पईलातमन के मोरते मारलो,
हुनचो सत-मया अमदेया काजे आय;
11 आउर हुनमन चो मंजी ले इसराएलिमन के निकरालो,
हुनचो सत-मया अमदेया काजे आय;
12 आपलो बरसक हाथ आउर बांहा चो सकत ले निकराउन आनलो,
हुनचो सत-मया अमदेया काजे आय;
13 हुन, लाल समदूर के दुय भाग करलो,
हुनचो सत-मया अमदेया काजे आय;
14 आउर इसराएलिमन के हुनचो मंजी ले नहकालो,
हुनचो सत-मया अमदेया काजे आय;
15 आउर मिसर चो राजा फिरोन के हुनचो सेना संगे लाल समदूर ने बुड़ालो,
हुनचो सत-मया अमदेया काजे आय;
16 हुन आपलो रयत के छीड़ा-भाटा बाटले नीलो,
हुनचो सत-मया अमदेया काजे आय;
17 हुन, बड़े-बड़े राजामन के मोरालो,
हुनचो सत-मया अमदेया काजे आय;
18 हुन, बलेयार राजामन के बले मोरालो,
हुनचो सत-मया अमदेया काजे आय;
19 एमोरेयामन चो राजा सीहोन के मोरालो,
हुनचो सत-मया अमदेया काजे आय;
20 बासान चो राजा ओग के मोरालो,
हुनचो सत-मया अमदेया काजे आय;
21 आउर हुनमन चो देस् के निज भाग होतो काजे दिलो,
हुनचो सत-मया अमदेया काजे आय;
22 आपलो कमेया इसराएल चो निज भाग होतो काजे दिलो,
हुनचो सत-मया अमदेया काजे आय।
23 आमचो नानागती बेरा हुन आमके सूरता करलो,
हुनचो सत-मया अमदेया काजे आय;
24 आउर हुन, आमके आमचो बयरीमन ले छंडालो,
हुनचो सत-मया अमदेया काजे आय;
25 हुन, सपाय जीवमन के खादी-पीदी देयसे,
हुनचो सत-मया अमदेया काजे आय।
26 सरग चो महापरभु चो धन-धन करा,
हुनचो सत-मया अमदेया काजे आय।