सपाय के जीतलो महापरभु
बजनेया मुखिया काजे किंदरी बाजा संगे आसाप चो भजन-गीत।
76
जहूदा ने महापरभु के जानलासे,इसराएल ने हुनचो नाव माहान मानसोत।
2 हुनचो तमु सालेम* ने आसे,
बललोने, हुनचो डेरा सियोन ने आसे।
3 हुता हुन निसलो कांडमन,
ढाल, खांडामन आउर लड़ई चो हतियारमन के टुटालो। निनास
4 ए महापरभु, तुय मयमा-उजर आस:
जुग-जुग काजे चमकट रतो डोंगरीमन ले बले जुगे माहान आस।
5 बरसक लोग के झीका-उड़मा करला
हुनमन मोरला;
आउर बीरमन ले
कोचई हाथ नी खेलली।
6 ए जाकूब चो महापरभु, तुय घुड़कलोके,
घोड़ा-सुवारमन संगे घोड़ामन बले मोरना चो झूमा ने पड़लासे।
7 तुय ची डरतो लाईक आस!
तुय रीस होले,
कोन तुचो पुरे उबा रउक सके?
8 तुय सरग ले फासला सुनालीस;
मंजपुर थरथरुन ओगाय रली।
9 तेबे महापरभु ओधरमीमन चो नियाव करतो काजे,
आउर मंजपुर चो नानागती लोगमन के बचातो काजे उठलो। निनास
10 महापरभु रीस होले लोगमन हुनचेई जय-जय करसोत,
कसनबलले हुन रीस ले आपलो मयमा आउर सकत दखायसे।
11 आपलो महापरभु जहोवा लगे बोदना बोआ आउर हुनके दिया;
डरतो लाईक महापरभु चो भोंवरक रतो
सपाय लोग हुनचो काजे भेंट आना,
12 कसनबलले हुन, बड़े-बड़े मुखियामन चो गुमान के टुटायसे,
आउर मंजपुर चो राजामन चो मने डर उबजायसे।