नियाव करु महापरभु
बजनेया मुखिया काजे: अल-तसहेत* दीस ने आसाप चो भजन-गीत
75
ए महापरभु, आमी तुचो धन-धन करुंसे;हव, तुचो नाव चो धन-धन करुंसे।
कसनबलले तुय आमचो संगे आसीस;
आउर सपाय लोग तुचो अचरित बुतामन चो बारे ने सांगसोत।
2 तुय बललीस, “कबूल धरालो समया ने”,
मय सत नियाव करेंदे।
3 जिदलदांय मंजपुर, हुता रतो सपाय संगे थरथरते रयदे,
तेबे मय ची हुनचो खमामन के चमकट करेंसे। निनास
4 मय गुमानीमन के बलेंसे, “गुमान नी करा,”
आउर दुसटमन के बलेंसे, “तुमचो सींग के डेंग नी करा*;
5 आपलो सींग खुबे डेंग नी करा,
आउर गुमान ले निलज गोट नी गोटेयाहा।”
6 कसनबलले बाड़ती, बेर उदिया नोहले बेर बुड़ती बाटले नी एये,
बेर उदिया उजा बाटले बले नाई।
7 मानतर महापरभु ची सत नियाव करुआय,
हुन गोटोक के नानी करेसे आउर दुसर के बड़े करेसे।
8 जहोवा चो हाथे गोटोक बटका* आसे,
जोन थाने मसला मिसालोर पास बीती अंगुर-मंद† आसे;
हुन हुताले रिकायसे,
मंजपुर चो सपाय दुसटमन
हुनके थिपायेक बले नी बाचतले खाउन सारदे।
9 मानतर मय अमदेया तुचो गोट सांगते रयंदे,
आउर जाकूब चो महापरभु चो भजन गायंदे।
10 महापरभु बलेसे, “मय दुसटमन चो सपाय सींगमन के काटेंदे,
मानतर धरमीमन चो सींग के बड़ायंदे*।”