धन-धन करतो गीत
बजनेया मुखिया काजे तार बिती बाजा संगे भजन-गीत
67
महापरभु आमके दया करो आउर बर देओआउर हुन आपलो उजर आमचो उपरे बराओ†। निनास
2 जेचोले मंजपुर चो लोग तुचो बाट धरोत,
आउर तुचो करलो मुक्ति सपाय जात-जात चो लोगमन जानोत।
3 ए महापरभु, देस्-देस् चो लोग तुचो जय-जय करोत;
देस्-देस् चो सपाय लोग तुचो जय-जय करोत।
4 देस्-देस् चो लोग हरिक होओत आउर हरिक-उदीम ले गीत गाओत,
कसनबलले तुय देस्-देस् चो लोगमन के सत-नियाव करसे
आउर मंजपुर चो जात-जात चो लोग के सत बाट दखासे। निनास
5 ए महापरभु, देस्-देस् चो लोग तुचो जय-जय करोत;
देस्-देस् चो सपाय लोग तुचो जय-जय करोत।
6 भुंय आपलो फसल उबजाली;
महापरभु, जोन आमचो महापरभु आय, हुन आमके बर दिलोसे।
7 महापरभु आमके बर देओ;
आउर मंजपुर चो कोना-कोना चो सपाय लोग हुनके डरा!