रखेया करतो काजे गुहार
बजनेया मुखिया काजे तार बिती बाजा संगे दाउद चो भजन-गीत।
61
ए महापरभु, मोचो पारथना सुन,मोचो गुहार के धियान देस।
2 मोचो मन मुरुसनाय होलीसे,
मय मंजपुर चो कोना-कोना ले तुके हागदेयंसे।
डेंग सिलपट ने तुय मोके ने।
3 कसनबलले मय तुचो सरन ने आंसे
बयरीमन ले बचातो काजे तुय डेंग भाड़ा आस।
4 मय अमदेया तुचो तम्बु ने रयंदे!
तुचो पाटकी आड़ ने मय सरन धरेंदे। निनास
5 ए महापरभु, तुय मोचो बोदनामन के मानलीस,
तुके मानतो लोग के मिरतो बाटा, तुय मोके बले दिलीस।
6 तुय राजा चो दिनमन के बड़ाउन देस;
हुन जुग-जुग जीओ।
7 हुन अमदेया महापरभुचेई बाटले राज करेदे;
तुय आपलो सत-मया आउर दया ले हुनचो रखेया कर!
8 मय अमदेया तुचो नाव चो भजन गायंदे,
आउर आपलो बोअलो बोदनामन के चेगायंदे।