महाराजा
बजनेया मुखिया काजे: कोरह बंस चो भजन-गीत
47
ए राज-राज चो सपाय लोगमन, चापटी पेटा;बड़े राग ले महापरभु चो जय-जय करा।
2 कसनबलले जहोवा सबुले बड़े आय आउर डरतो लाईक आय,
हुन गुलाय मंजपुर चो महाराजा आय।
3 हुन राज-राज चो लोगमन के आमचो तलेया करुआय,
आउर जात-जात चो लोग के आमचो हक ने करुआय।
4 हुन आमचो काजे नंगत ले नंगत बाटा बललोने, कनान देस्* के बाछलोसे,
इसराएल* काजे ए गुमान चो गोट आय कि महापरभु हुनमन के मया करेसे। निनास
5 महापरभु, तोड़ी राग
आउर हरिक चो जय-जय संगे आपलो पवितर ठान ने गेलोसे।
6 महापरभु चो जय-जय गीत गाहा, जय-जय गीत गाहा;
आमचो महाराजा काजे जय-जय गीत गाहा, जय-जय गीत गाहा।
7 कसनबलले महापरभु गुलाय मंजपुर चो महाराजा आय;
हुनचो भजन गाहा।
8 महापरभु जात-जात उपरे राज करेसे;
महापरभु आपलो पवितर राजगादी ने बसलोसे।
9 राज-राज चो मुखियामन
अबराहम चो महापरभु चो रयत होतो काजे रूंडलासे।
कसनबलले मंजपुर चो सपाय राजामन* महापरभु चो हक ने आसोत;
हुनी सपाय चो मुंडी आय।