जहोवा मोचो धोरई,
दाउद चो भजन-गीत
23
जहोवा मोके चरातो धोरई आय,एईकाजे मोके काई उना नी होये।
2 हुन मोके लस-लसा रोंडा ने बसाउआय
आउर मोके दर-दरा पजरा पानी लगे नेउआय।
3 हुन मोचो जीव के सितर करुआय;
आपलो नाव किरता
मोके निको बाट ने हिंडाउआय।
4 पिरिचनाय अंधार चो ढोड़ा बाटले हिंडले बले
मय नी डरें,
कसनबलले ए जहोवा तुय मोचो संगे आसीस;
तुचो ठेंगा आउर बड़गी ले मोके अस्तिर मिरेसे।
5 मोचो बयरीमन चो पुरे तुय मोके भोज खुआउ आस;
तुय मोचो मुंडे तेल घसुन मान देयसीस;
आउर मोचो बटका उछरत ले रिकायसीस।
6 तुचो भलई आउर तुचो सत-मया, जीवता-जीव भर मोचो संगे रयदे,
मय जुग-जुग काजे जहोवा संगे रयंदे।