जहोवा ले ची मोके अस्तिर मिरुआय
दाउद चो मिक्ताम *
16
ए महापरभु, मय तुचो सरन ने ईलेसे, मोचो रखेया कर।2 मय जहोवा के बलले, “तुय ची मोचो परभु आस;
तुके छांडुन आउर कहांय मोचो भलई नीआय।”
3 * देस् ने जोन पवितर लोग आत, हुनमन ची मान लाईक आत,
आउर हुनीमन ले मय हरिक रयंसे।
4 जोनमन, देव-धामीमन के मानसोत, हुनमन के खुबे दुख-तकलीस होयदे;
मय हुनमन संगे जतरा-लोउ* चेगातो ने नी मिसें
आउर हुन देव-धामीमन चो नाव मुरे नी धरें।
5 ए जहोवा, तुय मोके मिरलो भाग आस, तुचो ले मय बर पायंसे;
तुय मोचो बाटा के रखेया करुआस।
6 तुय मोके नापुन दिलो भुंय-बाटा खुबे सुंदर आसे;
आउर मोचो बाटा ले मय खुबे हरिक आंसे।
7 मय जहोवा चो जय-जय करेंसे, जोन मोके बाट दखालो;
आउर मोचो मन बले मोके राती बेरा सिखायसे।
8 मय अमदेया जहोवा के मान चो पईल ठान देउआंय;
हुन मोचो सकत आय, हुनी मोके चमकट करुआय।
9 एईकाजे मोचो जीव आउर मोचो आत्मा हरिक आसे;
मोचो देहें बले अस्तिर ने रयसे।
10 कसनबलले तुय मोचो जीव के पतालपुरे नी छांडीस,
आउर आपलो सत भगत के मोठ ने कुउक नी देयीस।
11 तुय मोके जुग-जुग जीव चो बाट दखासे;
तुचो लगे भरपुर हरिक आसे,
तुचो उजा हाथ बाटे अमदेया अस्तिर आसे।