महापरभु लगे कोन एउक सके?
दाउद चो भजन-गीत
15
ए जहोवा, तुचो तम्बु ने कोन रउक सके?तुचो पवितर डोंगरी ने कोन बसापत करुक सके?
2 हुनीची सके, जेचो चलनी-बुलनी दोख नोहलोर आसे आउर भलई बुता करेसे,
आउर मन ले सत गोटेयायसे;
3 हुन आपलो टोंड ले बदी नी देये,
आपलो मीत चो काई नोकसान नी करे,
आउर आपलो जात-सगा लोग के कोनी बदी दिले नी सुने;
4 महापरभु जेके घिनियाउआय, हुनके ए बले घिनियाउआय,
मानतर हुन, जहोवा चो भगतमन चो मान करुआय;
हुन किरिया खादलो पाछे, नोकसान होले बले केबई पाटे नी गुचे;
5 हुन आपलो पयसा कंतर ने नी देये,
आउर पयसा-कोहड़ी काजे दोख नोहलो लोग चो बिरुद फंद गवई नी देये।
असन चलनी-बुलनी करु बीता अमदेया चमकट रयदे।