दुख-तकलीस बेरा साका होतो काजे पारथना
बजनेया मुखिया काजे दाउद चो भजन-गीत
13
ए जहोवा, तुय किदलदांय ले मोके सूरता नी करसे?तुय किदलदांय ले मोके दखा नी देसे?
2 मय किदलदांय ले मने-मने फिकिर करते रयंदे,
आउर दिन-भर मोचो मने कलपेंदे?
किदलदांय ले बयरीमन मोके जीतते रदे?
3 ए जहोवा, मोचो महापरभु, सुन आउर मोके धियान देस;
मोचो आंईक-कानमन के तीर-तिरा करुन देस, नोहले मोके मोरुक होयदे;
4 मोचो बयरीमन, “आमी हुनके जीतलु!” नी बलोत
आउर मोचो निमल रलो बेरा मोचो बयरीमन हरिक नी होओत।
5 मानतर मोके तुचो सत-मया उपरे भोरसा आसे;
आउर तुचो ले मुक्ति पाउन मोचो मन हरिक होयदे।
6 मय, जहोवा चो भजन गायंदे,
कसनबलले हुन मोके दया करुन बचालोसे।